空氣人形(援膠女郎)"Air Doll" ----- 內容空洞，搔不到癢處！

1.去看絕對因為裴斗娜，佢一向係我頗喜歡的韓國女星，由多年前的"貓咪少女"已喜歡，之後她在香港上過的戲幾乎也看過，只是她的第一套日本片"Linda Linda Linda"無係香港上，我其實好想睇，戲中佢扮學生在校園組band!

2. 另一個原因當然係呢D引男人睇嘅gimmick，絕對成功！

3. 我覺得呢D變態題材係日本仔先諗得出拿來拍，之前也看過很多類似gimmick的日本戲！

4. 估唔到裴斗娜會咁放，雖然佢初出道時都拍過裸露戲！而且全片制服/短裙，又扮Q，超可愛，雖然佢年紀都唔細，絕對呃到人！果set 6000yen唔駛嘅裴斗娜Air Doll相當吸引，如果真係有得賣，一定好好賣！

5. 講完D膚淺嘢，開始講正經！

6. 齣戲借呢個題材講都市人的寂寞空虛同Air Doll無異，都是空空的，有心也不如無心！另一個是人找替代品的問題！

7. 好可惜感覺只點了題，但發揮得不好，不斷重覆，無法入心，就似Air Doll的皮膚一樣，只有表層，稍為深入點便只見空洞！結果變得有點造作及堆砌，甚至連解釋她為何有心也沒法子說得完滿！

8. 另外，片子更想把故事推至哲學層面，那篇"生命是...."的詩加進去有點格格不入，我懷疑那篇是原有的詩，不是為齣戲而作的，感覺上是種包裝，不太touching!

9. 不過，我喜歡老伯說的: "通常雙手冰冷的人，內心是溫暖的"！

10. 那些拍城市中不同角落的人的片段去表達主題的手法在日本片是常見的，但是總是拍得不好！

11. 另一個得著是: "思想太單純的人好容易會好心做壞事"！

12. 話說回來，片中的主題配樂好