2010年11月10日星期三

我的看戲習慣


以下各點沒有priority之分,甚至有互相矛盾之嫌:

1. 先睹為快,上畫即看!

2. prefer看最夜那場,比較少人,亦少些不是認真看戲的人!

3. 不喜歡日光日白看戲,戲應是屬於夜晚的,而且既然在漆黑的戲院看戲,希望天色也是暗的,那樣才配合看戲心情,也不想周圍環境與看戲環境得不到融和!(不過我會因為要慳錢而看早場!)

4. 亦因此不太喜歡在商場戲院看戲,因為就算是夜晚入場及離場也仍是"光照大地"!

5. 盡量避免星期五六看戲,尤其是星期六,要看也只能選最尾那場,為了避免人多及太多閒雜人等,破壞看戲心情!

6. 會早點入場,希望可以看到其他戲的trailers!

7. 會把戲的ending credit看完才離場,那樣才感覺完整,也是對戲本身的一份尊重,當然有些戲是不用尊重的!

8. 盡量自己買飛,這是其中一樣不可依賴他人的東西,因為我對座位是有要求的,也有太多不愉快的經驗,令大家也不高興!

9. 喜歡的位置是中間偏少少左,這個看戲角度是我最愛的!(而在電影中心最愛的位置是H11,留下不少腳毛!)

10. 不喜歡在戲院吃東西(除非極度肚餓,我也會盡量在正式開場前吃完),也討厭別人吃,尤其是爆谷,完全的disturbing,不知是誰想出來的!好記得有一次旁邊的陌生人在未正式開場前已倒瀉爆谷,立時換來我的一陣心涼!

11. 喜歡一個人看戲,因為看戲其實是很私人的東西,不可隨便與人分享!(想起金城武在"重慶森林"說的跑步論)

12. 與別人一起看戲不外乎是:
a. 自己喜歡的人,不過心情上可能已不是看戲;
b. 陪喜歡的人/要好的朋友看戲;
c. 志同道合的人,尤其是思想上夾又喜歡看戲的朋友;
d. 與好友又同時對某齣戲大家也滿有期望,知道一起看將會是個愉快的經驗

13. 喜劇可說是個例外,與朋友一起看可能會更開心,也同時接受戲院多人,因就是想要那種熱鬧氣氛!

14. 討厭同行的友人在看戲其間看sms,覆sms更是大忌,我會發顛,也有無數不愉快經驗,離場後吵交冷戰也試過!

15. Enjoy看完戲後與友人一起討論齣戲,不過似乎大部份的人會看完便算,很回味那些一起熱烈討論的時間!

16. 入場不喜歡被帶位,我prefer自己找!好記得曾經與喜歡的人第一次一起看戲,我一入場便帶她直入座位,完全不經思考似的,她問我: "是free seating的嗎?",我笑了笑,說不是!

17. 與喜歡的人看戲在心情上有時其實是會分心的,所以有時我會之後自己一個再看一次,完全的自己去感受齣戲,當然若然是齣好戲才會這樣!

18. 由於我的preference是有互相矛盾之處,所以有時是要作出取捨,正所謂世事豈可盡如人意,看戲如是!

19. 我知道很多友人也覺得與我看戲很煩,也有無形壓力,尤其是曾經有過不愉快經驗,見過我發顛的人!

20. 很多東西我也可以就人,不過看戲我是要人就我的,否則不看也罷!當然,若然是我心儀的人我會屈就,原則要拋開,不過心裡其實也不太暢快!

21. 有keep票尾習慣,也會於票尾背面寫上與誰人一起看!以前大片的票尾有時會print上電影的照片,很美也很特別,印象中我最早期留的劇照票尾是ET!

22. 以前習慣每年也把看過的電影做過統計,例如有多少戲一個人看,今年與誰看戲最多,而最費心那part是選每年十大電影,不過近幾年已提不起勁做,雖然心裡面也常記掛!

*Watching movies is an experience rather than an entertainment to me!*

29 則留言:

  1. 以上種種我也覺得沒問題,唯有no.15我是不能不太OK,我是很不喜歡看完戲討論的,因為我覺得好睇的戲應該係一種感覺而不是分析,(不過像這樣過後寫出來則不一樣,因為寫字也是出於感覺,也沒有例行公事的感覺)所以我非常喜歡一個人睇戲。也不太喜歡在步出戲院的後樓梯聽人講戲,所以一睇完就會急急腳盡快離場。結論係:其實我唔鍾意去戲院睇戲,呢一點同你同Sandy係大分瓶。

    我之前也跟你說過,有次同朋友去睇「一頁台北」,她竟然將戲中某笑位(其實都唔好笑)重複說了十遍(在看戲途中&看戲後去吃水餃),我好想升佢兩巴,趁旁邊的人未升佢之前!

    睇完你呢篇野,我突然諗起可以送一份禮物比你,你一定鍾意,但係又唔想吽到出年你生日,不過製作需時,你等吓啦!(不過你唔駛估係乜,因為同呢篇野其實冇直接關係)

    回覆刪除
  2. 第一行typo:"唯有no15我是不太OK"~

    回覆刪除
  3. 關於pt.15,真的不是每個人也可以,我只有極少數這種經驗,而大部份也其實是集中於某個人!講開又講,我也討厭離場時聽到有人在大聲討論套戲,尤其是表現得很懂看戲的男生!

    一頁台北邊個笑位?我有點好奇!

    要製作的禮物?仲係一定鍾意,咁有信心,我好難好鍾意一份禮物的,實在有點碰運氣的成份,又是另一個好奇!既然製作需時,就慢慢啦,最後可能真的變成生日禮物,Haha! p.s. 不過,妳今年給我的生日禮物我又確是頗喜歡的^_^

    我以前也說過,我羨慕某些人收到禮物就開心,他們的快樂也來得容易,而我,要收到喜歡的禮物才開心,我又不容易喜歡一份禮物,有時覺得不送給我可能還減少風險,起碼我沒有機會不喜歡!

    回覆刪除
  4. 一頁台北哪個笑位...唔多記得,好似係叫被綁架果條友一起打麻將啩...

    我講果份禮物,比我收到都會好鍾意,我仲會好感動添,不過就算你唔感動,都一定唔會嫌棄嘅。其實我都幾唔鍾意買生日禮物,因為特登買一定買唔到好野,要無啦啦先會撞到有好野。果次買比你的生日禮物,都係早成個幾月(你記得你們在赤柱同我吃生日飯時,我已經話買左比你啦,仲話同多啦Earphone好襯添)突然撞到就即刻買,得你頗喜歡我都好高興。anyway,再講我驚穿煲呀,希望呢份野可以在年底前送比你啦~ ;)

    回覆刪除
  5. 我記得呢個無聊笑位,可能咁啱點中妳朋友笑穴,所以先停唔到口啫!

    妳咁講搞到我有D期望添,年底好快到!妳說得沒錯,即興買通常買不到好嘢,除非妳知某人收到XXX Character的東西或者某某牌子的東西就會開心!所以我都會撞啱就買定先,有些禮物甚至可以放在我家中幾年都未送出!多啦Earphone與USB是否有一期一會之感?!

    回覆刪除
  6. 我個friend係資深recorder + repeater,佢覺得好笑的東西至少會重覆5次以上架... ~_~ (最近佢無啦啦在fb鬧我,都鬧左好多句至心息,我已經block鬼左佢...)

    係喎,年底好快到!有D壓力添,不如將個預告推遲到一月之內啦...(口巷巷的下場~ :ppp)其實我想問好耐,究竟「一期一會」係咩意思呢?

    回覆刪除
  7. block咗個friend咁嚴重,佢一定鬧得妳好狠!

    唔駛咁趕啦,不如推遲到下年年中啦!

    其實一期一會係日文,有D似我們之前討論過的Dejavu及妳教我的"打令頭位"(係咪打錯字?)果類嘢,大概是一生只遇一次的偶然,時間轉了,所有東西就會不一樣,包括感覺,就如我下年才送Earphone叮噹給妳已經是另一回事,還有叮噹腳上的Cheer字及我當天才買到的Cheer Boxset又是另一個一期一會吧!

    回覆刪除
  8. 都好狠吓,佢話我delete左佢對竹野內豐的comment,實情我懷疑係fb server傻傻地啫。跟住鬧我講一套做一套...又話我踩sex & the city令佢好hurt...etc,無啦啦比佢省一餐真莫名奇妙,咪block左佢囉~

    原來一期一會係咁解!「打令頭位」係乜?我都忘了...不過偶然相遇的事,實在好有意思,真係可以記住好耐(本來我想寫記住一世,不過我諗我唔會囉~ :ppp)至於比你份禮物,都係早D搞掂好D,遲左仲惡搞架~ ;)

    回覆刪除
  9. 好奇一問,妳與他交情深嗎?"踩sex & the city令佢好hurt"我覺得很有趣,不過都明白那種心情,換轉是一齣我至愛的電影我都可能好hurt!p.s.不過唔夾早D分開都係好!

    「打令頭位」妳教我的怎會忘記,不是應該儲存在妳知識範圍的嗎?

    回覆刪除
  10. 其實係10幾年前atv舊同事,有fb之後,大家多左交流果隻。本來我都知同佢唔多夾,但見大家識左咁耐,在fb聊聊天、或吃一兩餐飯都OK嘅。至於踩佢至愛嘅戲就實在無辜,因為佢都冇話係佢至愛,忽然大半年後話我踩親佢條尾,真係死得冤枉。我問同期atv的friend,都話怕鬼佢。
    噢,sorry,我仲未明「打令頭位」係乜野(打令=darling?)不過可能我係一時搭唔通條線,聽日會突然諗番起,你唔駛花時間再解答啦~thxxx~ ;)

    回覆刪除
  11. 我開始懷疑我記錯term,所以妳先諗唔到!看我能否找回那段對話!

    回覆刪除
  12. 我多數同意也實踐 Jack 的習慣。老實講,看戲不是社交,我小學時已有這般見解。講嘢或 sms 一樣難頂!But i do enjoy chatting about films after watching

    Molly 的 fb friend delete 事件我也有察覺,大人如此小器,我少見,可能我識人太少。fb友誼,人人宗旨目標不同,你 add 人,人唔 so 你,都係無癮,fb可是友誼測試机?!

    回覆刪除
  13. "小學時已有這般見解",厲害,我果時仲係傻下傻下,不過仍可說是人生中一段開心時間!中學時無咁傻,開始自己諗嘢,不過卻又開始不快樂!

    是的,我甚至覺得在戲院內老遠看到別人的手機燈亮著,也覺得極度disturbing,完全會影響我的集中力!

    "你add人,人唔so你,都係無癮", 哈哈,我做咗唔少呢D嘢:P!

    回覆刪除
  14. 估唔到Sandy有留意我果單野,只可以講句:奇人奇技奇女子!不過遇到呢D奇女子,我又唔會好嬲(至少佢唔係兜口兜面鬧我,只係紙上談兵啫),覺得咁都算係一番奇遇,不枉相識一場囉。

    要談FB如何改寫交友心情和習慣,真係可以寫篇博士論文,我覺得唔人地唔add我/唔so我,都唔大問題,熟嘅我會問佢點解,唔熟嘅我都唔mind;block我都冇所謂,因為我呢個宅女posting當聊天,我D posts應該幾annoying。最hurt係比人remove,不過若然比唔熟嘅人unfriend,我又冇所謂。

    昨天我突然收到十多年前我去HKU Space唸日文的同學的fb msg,原來她在「港島東」的group內見我的comment,她說記得我叫oldmor(!!)所以msg me!wowww~我覺得好神奇啊!12年沒有見的人,而且只是做過9個月同學,竟然這樣相認,今天她正在唸PHD,研究中國17世紀的美學,好厲害啊~

    btw, 17/11被美國名嘴Jimmy Kimmel訂為National Unfriend Day.到時我會在fb提醒大家,不曉得我會被多少人unfriend呢~
    http://newsfeed.time.com/2010/11/08/forget-facebook-kimmel-declares-nov-17-as-national-unfriend-day/

    回覆刪除
  15. Jimmy Kimmel未聽過!不過National Unfriend Day我係咪應該要做D嘢?!

    回覆刪除
  16. Yeah Yeah~~~ 終於完成艱巨的製作過程,現在等待它"啤好",然後就是簡單而隆重的過大禮日子~ \^0^/

    回覆刪除
  17. 點解妳會在這裡留言,唔通有玄機!

    回覆刪除
  18. 玄機--你重溫上面的comment啦...(我成日話係神秘禮物,整整吓自己都穿晒"橋"添 XDD)
    我想事成之日拎入來tvb過大禮,事關想sandy和cc都分享吓,希望到時唔會見到我唔想遇到嘅人啦~ :pp

    回覆刪除
  19. this is exciting .... can't wait!

    回覆刪除
  20. hehee~ me too. can't wait!!! XDD

    不過我要事先張揚,雖然我擺左好多時間落去整,不過結果係點我全無把握,亦控制唔到,可能10000%失敗都未定!我驚我一個會受唔住咁大打擊,所以想同大家一齊見證拆開禮物嘅一刻,到時若果見到成份野衰晒,至少我地都可以互相安慰吓~ :pp

    回覆刪除
  21. Molly 份人搞鬼先行,永無悶場,好似她曾棧鬼演譯‘南生圍’,現在我每聽人說起此地方,都會打從心中大樂,好玩嘛!所以,這禮物,我沒半點擔心。

    回覆刪除
  22. yes yes! 態度正確! 希望到時大家用搞鬼的態度去面對我的失敗(plus我的美麗與哀愁 :pp)

    回覆刪除
  23. 點解我仲係無乜頭緒?究竟會係乜呢?仲要大家見證,好似結婚咁!

    唔緊要,失敗者係曉飛翔的,而且劉若英無乜令我失望過!

    回覆刪除
  24. 好野!你冇乜頭緒,即係我都冇"穿橋",其他人估到或估唔到都請勿揚聲,希望到時用驚喜彌補我的(可能)大失敗~ :pp 又未去到結婚咁岩重,不過當係過大禮都冇乜點錯架喇~

    我都希望做曉飛嘅失敗者或者劉若英(咦,我做唔到奶茶,不過都叫做做過"鴛鴦"喎!...爛gag-ing),不過我更希望唔係失敗收場,到時開心到飛起嘅係你~ :DD

    回覆刪除
  25. 個gag唔爛播!哈,妳地都出過書,好彩仲有最苦的咖啡留翻俾我!

    死啦,我仲係心情低落緊!.......我好攰呀!

    回覆刪除
  26. ok wor!見你即刻連起3份功課,證明戰鬥力慢慢回升,我有信心你嘅心情會穩步上揚~ (可能「開學」對你調節心情係好事呢~~~)

    回覆刪除
  27. .....其實開學令我心情更低落!

    有些未起的戲其實已經落咗畫,我只知再不迫自己寫我便會missed,而且不做些我認為有意義的東西我就會覺得一天過得更沒意思!

    回覆刪除
  28. relax~~開學一定會低落,早兩年我幾乎要返工,即刻諗起星爺@逃學威龍的心情:「good~~morning~~sir (震晒咁講) 」
    至少你仲有力做功課,呢D就係你講嘅"最壞嘅事會帶來好影響"了。我連睇你的功課都未做咪仲衰~ ><

    回覆刪除