2010年4月14日星期三

安非他命("amphetamine") ------ 雲翔D戲愈來愈大膽,不過愈來愈唔好睇!

片名 : 安非他命(2010)
導演 : 雲翔
演員 : 彭冠期, 白梓軒, 梁敏儀
片長 : 97 分鐘

1. 雲翔的片愈來愈多gimmick嘢,又太戲劇化,太似一個故仔,偏離現實!

2. 其實我對gay片一向興趣不大(睇les片興趣大D,對我來說,睇兩個女仔kiss點都好睇過睇兩個男仔),不過對indie電影有興趣,而且佢拍"無野之城"拍得很不錯!

3. 鬼鬼地果個年青才俊幾靚仔,而個游水教練個body就真係好正,好羨慕!

4. 斷橋個比喻其實本來不錯,不過係套戲重覆又重覆咁講,觀眾收到架啦,唔駛講到咁明!

5. 最有印象果樣嘢係完全明白到男仔鍾意一個男仔同埋女仔鍾意一個男仔計果條數真係完全唔同(其實我一向不喜歡"計數"呢個term,好可惜現實裡面大部份人都係有一條數),突然覺得如果我"轉機"可能market value大好多,其實都唔係突然,好似我以前都諗過!奈何我實在太鍾意女仔,"轉機"唔係短期嘅事,唉,似乎我真係苦命!

6. 梁敏儀的脫戲真係無乜必要,床戲要露點無必要,連那段劇情都無必要,佢似乎好等錢駛,一係身不由己,主要係gimmick同埋益觀眾,即係我!而且poster連相都無,係一部gay戲脫完全唔值得!

7. 配樂很不錯,不過配落某些劇情上over咗,劇情本身承受唔到!睇roller得知原來係"人山人海"D人(于逸堯&何山),唔怪得!

7 則留言:

  1. 今日幾忙, 不過都要8吓你D野, 可以喺工作中過吓冷河嘅~ ;)

    1. 好有興趣知「男仔鍾意一個男仔, 同埋女仔鍾意一個男仔計果條數真係完全唔同」條數究竟係點計呢? 講真我都唔覺得做人係有數計/有公式嘅, 不過既然導演有新idea(好有可能係佢嘅親身經歷), 我又有興趣想知喎--當然我最想知點解你晌呢條數入面, 會好有market value嘅?嚟啦~講啦~ (老實講, 我真係有諗過你係架!)建議你晌fb度po埋條數出來, 比大家觀摩吓~

    2. 無啦啦加脫戲應該都係為保票房, 事關男仔gay戲一向喺本地冇乜市場(les戲仲可以吸引睇肉家捧場),真gay嘅唔好意思睇, 直嘅更加抗拒, 唯有加脫戲吸引睇肉家啦!

    3. 我一直覺得像雲翔、楊凡等拍gay戲係為左洩慾, 某程度上就像用藝術打飛gay, 所以有時D劇情同畫面, 係為左滿足個人同埋gay民而炮製的, 非gay民(飛機民?)未必有feel~ (不過我對呢D做法唔負面嘅, 人人拍戲都係為左反映自己嘅內心架啦!)

    4. 題外話:雲翔的"無野之城"首次在電影節上映時, 同期還有上映"花吃了那女孩", 有影評就話兩片一比較就發覺香港人(整個社會)在處理gay的問題上極度保守和落後, 仍在"自己係咪gay的懷疑/曖昧"的話題上做文章...確實令人慚愧!

    上次我去台灣, 我的朋友說她工作的購物台有一位內衣模特, 注意, 係"內衣"啊! 原來是男變女的變性人!!! 還只是廿歲出頭而已, 而整個社會的反應是一致的疼她、保護她! 這在香港絕不能想像, 不要說媒體會如何踐踏當事人, 就算社會肯接受, 也會以異色眼光去看她, 絕不會當她是真正的女生, 在娛樂圈也只能永遠演變性人的角色, 更不要說堂堂正正地做內衣模特了!

    想一想: 陳法拉露一下bra已經比人講一個月, 我們的社會可說仍然留在石器時代! 不過我想, 其實我們有鋪癮, 就係羞於關心/討論太貼身的事, 陳冠中和梁文道都話: "冷"是香港人的標記~

    回覆刪除
  2. 2.係播!不過我嘅意見係,gay片最吸引兩種人睇,一是gay民,二是女(同男仔心態差唔多,想睇肉),想擴大市場吸引堆非機男人就要加D男女性愛戲,咁就夠全面啦!我終於明白啦!

    3.係,況且雲翔咁有錢,更加可以為所"肉"為,見佢D戲總有個有錢角色俾佢晒名牌,名車就知!

    4.咁又係!我諗我都係偏保守,雖然有D嘢唔係!
    陳法拉露bra?有件咁嘅事咩?不過我仲未認得佢,所以都係無乜興趣!

    回覆刪除
  3. 1.妳傻咗咩,po條數出來!"計數"唔係導演講,係我嘅領會啫!妳無理由唔知,計數咪係鍾意一個人嘅條件囉,即係除咗愛情以外嘅嘢,亦即係一般人所講"嫁得好"果D"好"囉,我唔信佢地講緊內在的感情,梗係講緊果D一眼睇得出嘅嘢!那些與愛情無關的"好"結果反而成就了愛情!不過,話說回頭,成日憂柴憂米,感情都唔會好得去邊,點都會肚餓架!
    而男仔鍾意另一個男仔就係另一條數,D criteria完全唔同晒!

    吓,妳諗過我係機,唔似播,我好想知係幾時嘅事同埋點解?不過,其實妳唔係第一個女仔咁覺得,以前都有一個女生這樣說,好似佢覺得我唔似正常男生掛,可能佢覺得同我一起安全得恐怖,所以佢成日一個人上我屋企都唔驚!我記得佢講過覺得我好似唔鍾意女仔(之後好熟的時候提起的),我笑說她實在誤會得太深啦,我都不知幾鐘意女仔!仲有,連我家姐都好似誤會過我係機!諗諗下,我係咪應該順應天意....做個機民呢!

    回覆刪除
  4. 我而家諗番當年以為你係gay都幾好笑, 因為識落就知你完全冇可能係囉, 學你話齋, 你太鍾意女、亦好欣賞女, 喺你筆下好少讚賞仔的Look, 講仔都只會講才華, 所以呢, 你係冇可能順應民意轉機架喇...

    點解果陣時咁諗, 其實係因為果陣時同你唔熟, 見你有咁多女仔friend, 枱頭又擺咁多公仔, 個殼(打扮)又咁多details, 又冇女朋友, 咪估你係囉! 話時話, 我淨係認識一個疑似gay, (因為我冇問過佢, 不過我相信佢係囉) 諗落你的形神其實同gay民好唔似~

    回覆刪除
  5. 咁又唔係,我都鍾意朝偉,金城武架!

    吓?乜機民通常好多女仔朋友,又鍾意枱頭擺公仔架?哈哈,其實我係畢業後先重視著衫,比一般人遲好多!

    妳果時點知我有無女朋友?一般人是沒可能看出來的!因為我拍緊拖都會收得好埋,一定唔放相係銀包面,唔鍾意晒幸福(也許在極close的朋友面前會唔覺意流露出來),基本上唔介紹女朋友給任何人識,當然不會公告天下!

    而且基本上是頗成功的,就算有人估到,我都唔會認,除非我自己講!最大原因是相愛是兩個人的事,與這世界其他人一點關係也沒有,甚至是她的父母與我的父母,不過我發覺這點連女朋友也未必會了解我!其實我對女朋友這個term也有點抗拒!

    回覆刪除
  6. 原來你鍾意玩收收埋埋, 咁你同阿sa都好有發展嘅可能喎! 你好適合同女藝人拍拖, 事關一般都冇邊個女仔鍾意拍拖拍得咁鬼鼠, 唔係話一定要成日孖公仔示人咁核突(but, 後生女比較鍾意玩孖公仔, 你咁buy後生女, 可能難逃一劫喎), 只係覺得要冚住件事好無謂、又好花心力,拍拖都拍得唔暢快。

    不過,我相信都有女仔鍾意咁低調(近乎隱形)拍拖嘅,而且年紀越大嘅女性越唔鍾意太揚,若然你轉吓口味,對D中女(而家廿到抆都叫中女呀,陰功!)出手,應該較易搵到同你一樣有呢D癖好嘅人...呱?

    (以下回覆"brothers"的comment,懶得click來click去 :ppp)
    我見你每次寫咁長,又搵咁多料,都知你一定花好多時間去寫blog,寫blog+覆吓fans信,分分鐘就冇左八個鐘!原來你要在夜深人靜,開晒音樂至寫blog,難怪變左vampire...

    回覆刪除
  7. 係花心力,不過又無覺得唔暢快喎,同埋對我嚟講好有為,不過一般人唔明啫!"鬼鼠"這個term好negative,不過別人總愛用這個形容詞,搞到件事好似好不正常!我都唔知點解要刻意識佢D朋友,關我叉事,佢又要識我D朋友,都唔關事,談話時提到便可以,唔需要介紹認識!

    是,我都發覺好少女仔鍾意咁低調,除非係人地女朋友或者老婆!都ok嘅,仲未過我底線!

    p.s.原來妳係fans:)!!!

    回覆刪除