2010年4月21日星期三

志明與春嬌("Love in a Puff") ------ 香港現代寫實愛情故事

片名 : 志明與春嬌 (2010)
導演 : 彭浩翔
演員 : 楊千嬅、余文樂
片長 : 104 分鐘

1. 本來因為余文樂是主角一直沒看,不過似乎片子有很好的口碑,不想錯過一齣好戲,結果還是看了!沒有對余文樂改觀,佢係我眼中都係一名粉腸!

2. 套本身很不錯,沒有悶場,看得愉快!大概也透視了各種香港的現代愛情,不過我感到完全和他們的脫了節!是的,這樣的社會就有這樣的愛情!

3. 喜歡戲的opening,好搶!

4. 喜歡戲裡的大量粗口,極之順耳,完全make sense,太正!粗口就係應該咁很用的,不是用來罵人!

5. 好有衝動拿乾冰來玩,我也想感受一下仙境的感覺!志明舊女友說他大細路,我在想一個人可以每次做同一樣東西都可以得到相同的快樂,其實是種幸福!

6. 谷德昭要幫女友隻狗打飛機真係笑爆咀,同埋7仔食煙果場又係爆笑!仲有4個6, 5個6......都笑爆!

7. 騙色不遂/ 賣假貨果段好很正!

8. 春嬌不斷說"約我呀?!""約我呀?!"果段好得,令我諗起一D往事!

9. 罕有的完場時有人拍掌!

10. 片中有一首常用的音樂,邊看邊想,大概記得應是盧巧音唱的!剛剛check過她的歌,應該是這首的副歌音樂吧!
http://www.youtube.com/watch?v=KZ8Fl-61XUQ

11. 喜歡英文戲名,其實好多嘢都係"吹"出嚟嘅,愛情都可以係!

62 則留言:

  1. 呢套你都睇!真係辛苦你喇!

    (我一定唔會去戲院睇呢齣"ge"野, 所以以下批評全屬推測, 簡稱:偏見 :ppp)
    我其實好唔buy呢D懶後現代、懶香港、懶小聰明大笨實的愛情觀,膚淺無聊,堆砌爛gag,根本就係幾條麻甩佬吹水的話題,不過我諗個社會真係咁,即食文化,即買即賣,千祈唔好要人諗野,對事情永遠只有一面/表面的睇法,(無論做導演或演員,谷德昭從來都係呢方面的代表人物)

    那些圍住垃圾桶打邊爐的人,在我眼中非常蒼白沒個性, 他們的對白、動作、表情、心態、甚至衣著都大同小異,為甚麼甘心做一D"人做我又做"嘅野啫?為甚麼甘心一班人戇居居黐住個邊爐去生活啫?

    不錯,如此看來,電影確實表現了香港的真實一面,只是連導演、編劇的手法也跟劇中人一樣無聊當有趣的話,我就冇乜mood囉,畢竟我對呢D有口皆碑的電影仲係有少少期望,期望會睇到多D、深D嘅野

    我都覺得自己同主流社會脫脫地節,當然,我仍要在這樣的環境裏生活,唔通死鬼左佢咩,而且我又唔鍾意對抗嘅,不過就會提醒自己唔好同佢地一樣咁無聊囉,唔好無聊當有聊囉。

    (re: "安非他命"的last comment)
    祝你早日偷情成功!諗落偷情又幾適合你,至少冇咁大commitment)

    回覆刪除
  2. 如果"食煙、爆粗、媾女"就係生活, 這樣做人實在太沒意思了! 不過很多人甚至巴不得過這種生活, 唯恐"落後"於人… 這使我諗起最近有朋友在fb話:"好多agency的人都好鍾意sex n the city", 唔睇會比人笑架", 我即時對佢改觀晒! 唔係唔准別人有不一樣的睇法, 而係接受唔到個價值觀, 那完全是崇拜虛偽, 我最憎人假! 最近因為呢個原因, 決定疏遠一個認識20年的朋友…

    回覆刪除
  3. Dear Molly

    不錯,戲中人和事,同我簡直兩個世界。他們絕對是膚淺無聊,蒼白, 不過以戲論戲,它能做到可信,似真。可能真係同編導演個人德行人格有關。但像'歲月神偷'這種虛偽,假意的所謂懷舊寫實,我覺得罪無可恕, in particular when i saw the director deliver his thank you speech at the HK Film Awards ceremony. he looked and spoke so sincerely (could be true), but just see how phony his film is. just what's going wrong about these couple film makers, as a person and as a professional. i think at least the director of 'Love in a Puff' has demonstrated that he is professional and he knows film making. yes, we all hate 'phony' people, especially that they seemed to be or act like not knowing they are phony.

    dear jack, just what's wrong about Shaun Yu?

    by the way, the worst part of the film for me is the pseudo interview of the characters confessing in front of the camera. it intends to look like real-life, but that is the most unbelievable part, especially the part delivered by 谷德昭 ( molly, i agree perfectly about what you think about this guy). but on the other hand, the part done by Shaun's ex-girl friend in the film is good. that ex-Miss HK is doing really natural and much better than her TV presence.

    回覆刪除
  4. @ Sandy: hehee~本來我還有點擔心, 我說得那麼激烈會否嚇親你, 事關你之前也推薦看這齣戲...而家鬆一口氣, 至少我沒有狂插你喜歡的電影~ :ppp

    你說得對, 我也相信這戲表現的就是一種真實, 人人都甘於成為街邊"邊爐"旁邊的人, 看的就只有那團煙。不過, 它對現實的坦白描寫還是值得尊重的。只是我不buy那種生活、也期望導演和編劇會對此表達一種較具創造性的態度, 我想我是期望太高了。

    《歲月神偷》我沒有看, 不過我相信它確實有虛偽的地方, 基本上我一聽到「鞋的一半是佳、一半是難」已經覺得非常造作和悶蛋!!可是最令人摸不著頭腦的是: 羅導演說九成內容都是真實經歷!也許就像早前我們討論的題目那樣, 越貼身的題材越難做得好

    我猜, 也許本片花政府錢, 製作人便自我審查, 覺得要加入大量「獅子山下」精神, 認為那樣才政治正確吧? 如果他倆真的作如是想. 我也不會太意外。老實說, 談起這對couple, 我覺得自從「移民三部曲」後, 那份真誠便無以為繼, (《宋家皇朝》是歷史片就不算啦) 尤其《玻璃之城》睇到我眼火爆!!完完全全是向某種固有的觀念盲目崇拜, 故事完全駕空於一般人的生活, 沒有一點誠意, 也沒有一點創作。

    Sandy or Jack: 志明的ex是誰演的呀?

    回覆刪除
  5. Molly,妳好厲害,無睇過套戲都好似睇過咁,齋睇篇嘢真係唔信妳無睇過!

    我都估唔到妳的反應咁激烈!不過我從來都受那些膚淺無聊有味笑話,講得好我真係會笑,應該同我個人有膚淺一面有關!

    我也相信戲裡的表達同編導本身的人格有關,而且片中那班做廣告的生活基本上與導演過的都是同一種nature的生活,而且都係無句真,靠吹!

    妳對那個廿年朋友的反應好激,搞到我有D驚,好彩從來無睇過sex in the city!妳的定力應比我強,有時面對那些普遍性存在卻又不太接受的價值觀都有點懷疑,尤其是對著一些你視為朋友的人,他們似乎也有一個頗為convincing的理由,我就會想是否自己太固執於自己那套!好多時接受一個朋友就要接受他的價值觀,不過事實卻很難做到,總是有點看不過眼!

    不用祝我早日偷情成功,我相信對我來說會是一件非常辛苦的事,這是愛情與現實的矛盾!

    大鑊,我當年好鍾意"玻璃之城",當然舒淇係好大原因!我已想不到"某種固有的觀念盲目崇拜"是甚麼,也許要再看一次才能領會!我相信我喜歡這戲是因為某一種共鳴,應該不是妳說的觀念吧!如果係,妳可能會因此疏遠我.....

    p.s.我不知志明的ex是誰演的!

    回覆刪除
  6. @Jack:

    hey, 唔駛驚喎!睇sex & the city和廿年朋友係兩個人嚟架。睇sex & the city的是A記舊同事,唔算得太深交,今天她已擁有自己的PR公司,搞event有時搵我或我弟比D野佢去pitching,吹到天花龍鳳,但次次都係冇米粥。我當然知道pitching唔一定會得,我唔係介意呢樣,只係對佢呢種愛吹的人有點抗拒;而佢果句「唔睇會比人笑架」似乎在教我應該點social咁;當然亦由於我真係好憎戲中果4條八婆,真係侮辱晒全世界女人,講到個個女人都咁貪名牌貪靚仔,但係晌我個friend的圈子就當呢種係理想生活,真係好唔啱channel囉!

    其實唔啱channel我都會當佢地係朋友嘅,我相信我點都有辦法令我地相處時舒服一點,唔會令我自己渡過完全話不投機的3、4個小時。(不過有一次同佢講開林燕妮條片,講開若然林小姐放棄一切名利可以換番弟妹的命的話題,呢個friend就話佢相信林小姐唔會放棄名利囉。令我有點鄙視佢對錢睇到比生命更大。)

    至於果位20年朋友,我當然亦都唔會真係玩絕交啦,其實係我覺得每次見面,佢都好似好PR咁"熱情招呼"著我們(佢畢業後就做PR),不斷找話題但係又唔係真心想傾偈,唔想關心人又唔想人地關心佢...簡單一句,就係敷衍我們!最近有兩次聚會,我同佢先到,佢竟然一直自顧自打sms唔理我,真到人齊了才回復PR的本色。那一刻我明白了:唔駛覺得好hurt,那就是她對待朋友的態度,好似一個PR咁令人賓至如歸,不過那不是出於友情囉。

    其實我知道問題出在我身上,是我對"朋友"這東西睇得太認真,對"朋友"要求太高了,而我又要做"世界小姐",將很多人都視為"朋友"。後來跟人談起,原來現實中很多朋友聚會,其實都是出來講下common freinds、講下買樓、講下買衫、講下飲飲食食,志在和諧地殺左果幾粒鐘已經係功德圓滿,只有我咁傻,希望就算講買衫,都要Lung下鍾意果件衫的個人喜好囉。

    不過原來20年朋友唔係咩咁偉大的事,我已經有好多識左廿年或以上的朋友,最近在fb被一個20年朋友無情情unfriend了,才令我有所領悟:第一,20年真係唔代表D咩;第二,20年間大家過住唔同嘅生活,怎能要求眼前的人仍然跟從前做同學時一樣?所以對呢D「不合則去」的事,我已經睇得好casual,咁樣大家都唔駛有壓力。

    我唔係唔睇白痴笑料,不過擺明係睇王晶,先會用睇王晶的心情去睇;其實我覺得《家有喜事2009》OK架(有古天樂,你唔會睇的),至少套戲的故仔、笑料都順暢囉。不過尋晚睇《越光寶盒》,睇左頭1分鐘已經頂唔順果D白痴橋...

    《玻璃之城》所謂"某種固有的觀念盲目崇拜",其實就係以前D人對"大學生活"嘅盲目崇拜,頂唔順每個鏡頭都盡顯一副精英的嘴臉,好似睇緊《香城浪子》入面間學校咁~

    回覆刪除
  7. @Jack: 就算你好buy《玻璃之城》入面嘅精英生活,我都唔會疏遠你嘅!因為你份人夠真誠,唔係敷衍緊我,我就唔會疏遠你,明冇? :DDD

    回覆刪除
  8. (refer to no.10 of your original notes)
    竟然用盧巧音的歌!我想導演是有意讓觀眾想起余文樂與她那段「好心分手」的往事吧...(相信你沒有想起,因為你都唔睇八卦版,但係而家諗番,你估有冇呢個用意呢?)

    回覆刪除
  9. 其實我都好抗拒果D吹水gathering,所以會直頭避咗佢!一來我唔識吹水,二來我又唔鍾意俾人問嘢,結果我就會好悶!妳都好,妳"有辦法令相處時舒服一點,唔會令自己渡過完全話不投機的3、4個小時"!因此,我的聚會通常得兩個人,而且我的朋友都係逐個識,他們互相又不識,我又唔會刻意介紹,想多D人都無可能!

    是的,好多時男的聚埋一齊,就真係講車講媾女,再唔係想拋下就講政治,女的聚埋就講食講化妝買嘢,一係就講如何整治男朋友,買樓/樓市就最正,男女都講,這些東西全部都可以把我悶死,除非真係講得好有見地,但這種人不多!我就真係好唔成熟,仲係度講歌講近況講心事(電影就無乜人同我講啦,好彩有呢個blog同埋fb)!

    妳提到林燕妮,我諗起昨天乘lift,只是一程lift的時間,兩個女人談到她們的一個朋友與男友六年不過沒結婚,過得很好,其中一個就話:"佢男朋友幾好播!",跟住不出五秒,佢又講:"...唔結婚好無保障播,個男仔隨時走,無錢分架播!"個腦真係轉得快,部lift好full,咁大聲講,證明呢D諗法真係好普遍,都唔怕人知!我忍唔住望一望佢,果然夠typical,真係有樣睇架!

    回覆刪除
  10. 佢用盧巧音隻歌隻音樂啫,不過妳咁講又有可能播,雖然我幾乎忘了她與余文樂有過關係!我唔係唔睇八掛版,不過唔係成日睇啫!

    原來妳講玻璃之城入面嘅精英生活,我又唔覺播,可能當時覺我唔記得咗,因為我覺得好睇及難忘的不是這些!

    我反而奇怪妳會睇越光寶盒,我真係零興趣,加上我都一向唔鍾意鄭中基!

    妳做世界小姐,咁我就做孤獨先生啦,我的感情有限,唔可以同咁多人做朋友,否則每個人分到的就會愈來愈少!

    回覆刪除
  11. Sandy:
    其實金像獎我淨係睇咗最佳電影頒獎,其他無睇!至於假人,有自知之名還好,是的,那些好假卻說別人假的最恐怖!

    不喜歡一個人好難解釋,起碼不能一言兩語!可以咁講,一些自以為自己好靚仔溝死女又用情不認真兼無乜料的人我通常都不太喜歡,係我眼中余文樂就係呢種!不過,我一向對男仔要求極高!

    不過,我都諗過,如果相方都ok玩玩下又會係點,最終是否沒人會受傷害?

    回覆刪除
  12. @Jack,
    比我搭lift撞正果D女人, 我真係想摑佢兩巴叫佢收聲! 呢D八婆擺明想同全lift人分享她的偉論, 因為覺得自己好精明好modern, 雖然我覺得佢地侮辱晒全世界女人, 不過正如你所講, 呢D人好common, 係我要求高啫...我諗我有D friend平時都會同朋友咁講野, 對住我嘅時候冇得咁講, 其實佢地已經就得我好辛苦囉

    其實, 真係有好多女仔鍾意果D"自以為自己好靚仔溝死女又用情不認真兼無乜料的人", 一來呢D男仔來者不拒, 自己容易埋身; 二來佢地頭腦簡單(男女都係), 貨銀兩屹唔駛諗咁多野, 說白一點, 可能就係你講果隻雙方都玩玩下唔會hurt到呱

    我鍾意做世界小姐, 我諗係因為我好鍾意傾偈, 好鍾意從交談中了解別人的生活和思想, 我覺得那個理解過程好有趣, 我相信每個人都有他/她有趣的一面, 我真係好鍾意去了解"人"這東西囉! 去年年初我其中一個新年願望係: 識多D新朋友 (呢個係咪冇乜可能成為你的願望呢?) 因為我諗下自己九成朋友都係認識十年以上, 是時候多認識新朋友去帶給自己一點衝擊, 事關從零開始去認識一個人, 也是一場非常過癮的體驗~ :DDD (所以我對那些敷衍的對話特別討厭, 因為根本觸不到個人本身的真實想法)

    回覆刪除
  13. that ex-girlfriend is 陸詩韻.

    回覆刪除
  14. 不過,我對於"真係好靚仔溝死女又用情不認真兼無乜料的人"接受程度大好多!當然,靚仔標準好個人!

    其實我都有興趣"識多D新朋友",不過不是刻意那種!因此,我好耐先會識一個friend,不過前兩年好旺,所以都好開心,玄學家好似講過我果年旺桃花,哈哈!是的,從零開始去認識一個想識的人感覺很好,好似成個人充了電般!

    回覆刪除
  15. 1. 玻璃之城》十分爛戲,正是那種話有誠意,但結果虛偽蒼白, 形神俱欠。Jack, 我、你好像都是 hku alumni , 我當然較老餅,所以更加討厭套戲。

    2. agency guys, especially those so called creative 人類之無聊、無知但亳不自省,由來久遠,you'll see by just watching the US TV series "Mad Men" (set in the 60s New York). Their trivialness are passed on across the oceans and by generation to generation. Accounts executives, creative personnel .... flock of the same feather. and the nowadays HK version of agency people? just look at the local commercials over these years. any worth menitioning creative,huh?? the copycat scandal of the Kam Fan Awards in the previous years was such a shame!

    回覆刪除
  16. @ sandy,

    1. heheee~ 我不是hku,我是hkbu的。因此更討厭那種自命不凡的精英臉孔嗎?不曉得。不過《玻璃之城》上映時,我有朋友讀緊hbu,都話好惡頂... :ppp)
    噢,本來我都唔知Jack的身世,而家比你爆佢大鑊,作反定啦你...

    2. 之前我提及,最近對兩個相識多年的朋友改觀,不想與之太close,都是來自PR界的。其實我也認識其他做PR的人(因為我本科是唸PR & Advertising的,可怕吧?),他們似乎還能讓我感覺真誠,也許只是我又在發夢,把人家的敷衍/禮貌當作真心交往吧?我想說的是:在我的朋友裏,並不是每個PR和廣告界的人都那麼假,而那些很假的人,除了職業病習慣了,也許也像你說的那樣,對那種「假」有著虛榮感和崇拜,那是個人的修養問題了。

    3. 哈,金帆獎,當初是無記為了對抗亞視首奪金像獎而生出來的怪胎,後來就變成另一個分餅仔的刮水之作,告訴你,金帆獎公司其中一名老闆何某,就係我的HKBU同學,我跟他一點不熟,不過聽聞他在傳媒界頗吃得開,我跟他們電影系的同學,談起這位何某的事時,回應是:「一條神棍!」wakakaa~ XDDD

    4. Mad Men在外國超級爆紅,呢齣戲對於那些廣告界的虛偽嘴臉取態如何?是諷刺還是崇拜?香港唔駛講,今時今日仲有人(e.g.《志明與乜Q》?)當廣告人係食腦王、橋王,每日工作一小時、炒四小時股票、吹兩小時水就收工,真係笑死人!二千年時廣告界風聲鶴唳,好多大佬都給炒了,加埋佢地炒燶股票,佢地一D都唔好過!之後D客賣廣告都縮晒皮,所以做廣告界已經唔風光囉。究竟香港電影和電視創作幾時至敢面對現實,不再自欺欺人、愚人愚己?不過睇下金像獎賽果,我地實在毋須有期望、也毋須失望,說到底,香港電影圈跟其他圈子一樣,就是一個搵錢至上的小圈子俱樂部。

    回覆刪除
  17. Sandy,妳竟然爆我大鑊,係blog度公開^-^!我好少提我出身同埋讀邊系架,好耐以前會講,不過發覺所有人的反應一樣,follow-up問題都一樣,加上我唔鍾意D人知道後對我的perception有改變,所以已經唔想再提,除非熟人問啦!Molly妳知無所謂啦,本來妳問我我都會講,唔問就唔講lu,我相信個blog無乜人睇,應該可以當無事發生掛!

    關於出身,我講得最多應該就係屋村仔,我好多時都以此自豪,因為屋村有其自己獨特文化,再mix埋我的後天教育,我覺得係一個很正的combination!!! 我成日都好想我的女朋友係屋村女,正所謂門當戶對嘛,不過結果總是事與願違!

    看來我真的要抽時間再看"玻璃之城",找回我喜歡的東西,我喜歡的大概是一些很個人的事吧!

    如果妳地唔提Mad Men,我真係唔知有呢套嘢!

    p.s. 師姐,我年紀愈大,我們的差距就愈來愈細(我講年齡上不是思想上),唔好講老餅啦,講老晒大家!

    回覆刪除
  18. 哎吔, 我上面寫錯了關於"金帆獎"的事!!!sorrrry sorrrry, 我舊同學係"金紫荊"的木契, 唔係金帆獎!認屎認屁認錯晒添, 瘀爆.... X((((

    我冇住過屋邨, 不過因為在柴灣讀書, 所以好多同學都住屋邨, 以前都成日遊走各同學的屋邨之家去玩, 都好羨慕佢地(你地)共同擁有"屋邨文化"架! 例如講起某地方, 佢地會話"喺第10座果頭嘛...", 大家即刻明晒, 係得我唔明, 就feel到呢種係專屬屋邨嘅"屋邨方言", 正所謂「屋邨你住哪一座?」,我冇機會問呢個問題, 注定我要浮誇? :ppp (雖然我唔係住屋邨大, 不過都係"貧下中聾"~)

    但係我覺得所謂的"屋邨文化"只屬於舊屋邨, 九十年代新起的屋邨 (好似居屋那些), 已經唔再叫"第幾座", 似乎冇左果陣味喇...

    回覆刪除
  19. sorry, jack,真係好對唔住,同你晤夠熟,完全不知有此顧忌,比你 unfriend 都無計。真係恨錯難返。然而看"玻璃之城"好難脫離一己背景去判斷戲的成敗, cos someone've been there, seen things and know what happened, albeit the difference in time. that is also why i hate 'Echo of the Rainbow' that much. just don't fool around, we've been there and we know what exactly happened. 我地唔係儍嘅。千算不要假天真,扮純情。

    molly, really appreciate your views on agency guys nowadays. 'mad men' talks about New York agency people in the 60s, when advertising was such a chic and exciting up and coming business. the drama did not glorify these people. but it convincinly reflected their indulgence (including their own selves), ability and delication to the industry, alongside with their bigotry, shallowness and frivolity. irony is the key for the tagline of the drama is 'when truth lies'.
    the producers did not treat audience like idiots.

    回覆刪除
  20. No sorry, Sandy! 100%係我嘅問題,我自知自己有點怪,為自己set了很多rules,而且表面看來都是唔make sense的,正常人好難會自然了解!甚至我解釋了,別人仍會覺得怪!其實入戲院看戲我自己都有好多rules,得閒係度寫出嚟先!

    回覆刪除
  21. p.s. Sandy,妳D字好深,我有閱讀困難啊:)

    回覆刪除
  22. 哈哈, 睇sandy的comment可以學英文, 好抵呀!!! ^0^d

    我有個舊同學, 佢係讀電影出身, 專睇埋晒D催眠電影, 都讚呢齣戲"超真實"喎!我諗若然佢下星期未落畫, 我都會去睇睇囉... 不過諗起"千化"的演技, 有乜可能同"真實"連上關係? 我睇佢條MV, 見到佢一句"你約我呀?"都覺得流到眼火爆...

    回覆刪除
  23. 佢果句"你約我呀"都係佢一貫嘅演出!不過呢句嘢真係令我諗起D往事,所以有feel!!!

    原本我唔記得咗回應妳!"屋邨你住哪一座?"真係填得超好,有晒feel,不過我住的已經有樓名(雖然都係70s入伙),叫幾多座果D叫"七層",我以前都有親戚住,廚房係走廊,每層有公共浴室!我友人都住過,仲間唔中同我講屋村D嘢,佢超好記性,記得好detail,令人覺得佢嘅童年好多采多姿,我就乏善可陳!佢最近仲講細細個已經見過許志安同埋蘇永康!

    好,我鍾意窮人,最憎有錢人!妳話我偏見都係咁講!

    回覆刪除
  24. @Jack, 你個friend的記性咁得人驚架!你千祈唔好得罪佢喎... (哈,想像下安仔康仔著住白色校服+"典型中學生頭"都幾好笑~)

    @Sandy, 忘了問你, 你講果單金帆獎copycat scandal, 係邊單? cathay pacific?

    回覆刪除
  25. 唔係喎,佢嘅印象係D聯群結黨坐樓梯無聊臭飛一名!

    回覆刪除
  26. 我好無用,打中文奇慢,所以亂寫D 英文算了,千其唔好學。中文傳神得多。 sorry, jack.

    金帆獎copycat scandal,是年前一幅 print poster for promoting the award. Local agency 幾個老細掛到一身鮑魚擦、爛銅爛鐵的個別硬照,喻意帮客戶省靚招牌,被指 copy the works of a foreign photographer of some years ago. Another one is the awarded campagin of addidas ?(or nike?). the print design was entitled 'Sweat'(graphics about yoga exercise). also been accused of copying overseas photography works. 新舊作對照下,無所遁形。but i don't know about CX.

    molly, my gut feeling tells me that you may not like 'love in a puff' as much as we do. miriam yeung will never get better. she is who she is and will always be. but just to compare her past films, this is at lesat better than '餃子'(好'恐怖'的一套戲).

    回覆刪除
  27. @sandy, 原來是那幅"鮑魚刷"海報,(我好像也聽說過)真失禮死人!!枉佢地自稱食腦界大佬,咁重要的廣告(sell 4As)都大剌剌抄襲! 不過我地呢種鄙視佢地的反應,一定會比佢地反鄙視!佢地會認為:"唓,抄橋係廣告界嘅行規,你唔認同,係你唔識野啫!" (CX不是抄喇,我提佢,只因我淨係記得近年佢地贏到金帆獎啫...)

    多謝你嘅心理輔導,我諗住睇《志明與乜Q》,都係抱住滿足好奇心,唔會有過分期望嘅,對"千化"就更加冇啦! 你話《餃子》係一套好"恐怖"嘅戲,若然"千化"聽到一定喪笑到下個月...

    回覆刪除
  28. Sandy,妳仲sorry我,我受唔起啦!

    講起"餃子",我覺得黎明憑"三更"攞影帝恐怖D!

    回覆刪除
  29. Exactly agree with sandy, she can'tbe better, all she know is laugh...

    回覆刪除
  30. 我今日終於睇住志明鬥緊春嬌, 點都要繼續晌度起多層樓, 攞個意頭:

    1. 我睇嘅version同阿Jack睇嘅係唔同架!阿Jack,你係咪睇hkiff架? 我呢個version冇"谷德昭幫女友隻狗打飛機"的爛gag, 又冇乜聽到"露西"隻配樂噃...基本上套戲的配樂好普通, 都係懶浪漫+少少歐陸+少少日劇咁上下;不過佢地在K竟然唱"最後的玫瑰",真係幾離奇,其實首歌同劇情又冇乜直接關係,我諗只係因為導演鍾意呢首歌啫

    2. 我諗套戲最真實嘅就係D場景同人物背景, 即係個"殼"夠真實, 但係去到個人物個性、對白、故事情節,又變番一般港慘片咁淺薄。例如志明的性格,千化話佢陰謀論、講野唔直接,但陸詩韻又話佢大細路,而觀眾見到嘅佢就兩者都唔係,令我覺得套戲連最基本嘅人物性格設定都懶做。
    仲有,我成日晌街見到D人打邊爐,神情都係呆滯,只係take a 煙break透吓氣,邊有話約埋三山五嶽一齊食下午茶咁精彩? 呢D情節就太假囉, 只為美化"打邊爐"行為囉(營造類似friends或某些日劇那種下下都大棚人一齊sharing的氣氛)

    3. 其實我覺得男女主角嘅交往,似buddy多過似情人, 編劇同導演都冇寫到一D深刻D情節去令兩人的戀情發展出來,我覺得男嘅係抱住"既然送到上門, 食得唔好嘥"嘅心態,(尤其佢地一個係廣告人、一個係化粧妹, 正常嚟講男嘅係抱住玩下嘅心態, 睇佢幾咁嫌棄千化的"賣假貨"friend,就知佢都係抱住一般港男睇港女嘅心態)所以佢一聽到千化話轉台18個月即刻嚇窒(呢度最合理)。成套戲最自然就係"壞車"果段的對白, 比較真係想講D野, 冇咁浮面,其他嘅就同一般港慘愛情片冇乜分別,都係堆砌唔多合理嘅"浪漫"情節(最差係扮遊客果段)

    4. 至於演員,我覺得千化勁老,close up好唔掂,又無厘頭著到去飲咁(晌茶餐廳安慰女友果套真係飲衫啦,反而谷祖琳(有冇認錯?)就著得平民好多。)余文樂又做得OK喎。最驚喜係有繆非臨!其實睇樣又唔多似佢(係咪做酒樓果個,我有冇認錯?),最尾睇roller至知有佢...

    回覆刪除
  31. 1. 妳有無睇晒所有roller果D假interview呀,肥谷果段係roller位!我本來完全無諗過睇呢套戲,點會係HKIFF睇呢?我唔信會轉配樂,係露西Chorus音樂播,佢當然重新編到好romantic feel,D tempo慢晒!

    2.其實我唔覺志明係陰謀論,只係春嬌思想太簡單所以覺得佢係,佢似大細路多D,即係思想唔成熟扮成熟!

    3.講真,就算我唔係玩玩吓心態,識咗幾日即刻話轉台我都驚啦,除非係本來已經一見鍾情就會開心!

    4.妳全部無認錯,不過我唔鍾意繆非臨!千嬅都係俾果D貨,所以無驚喜無失望!

    港產片上到over一個月,都算佢好嘢!

    回覆刪除
  32. 我真係冇睇晒roller喎, 個帶位員已經比晒溫馨提示叫人留底繼續睇, 我睇完roller男女主角果段, 見出口開左門, 就即刻走左喇...原來配樂係慢版"露西",我真係冇留意到,印象中幾乎覺得套戲冇乜配樂添~

    小趣聞:我去迷你戲院睇,我坐的column全個column都係雙人位, 咁我坐走廊邊的座位, 後來一名單身女子就坐晌我隔離, 我諗佢見到我一定好失望, 而佢睇得好投入, 有D位仲會情不自禁地自言自語, 又無端端哼起音樂來(例如男女主角互相摸索對方心意時),不過證明左真係人人都好buy套戲,唔怪知得可以上咁耐

    回覆刪除
  33. sorry sorry~ 我真係死唔斷氣, 你地可以唔理我...

    我諗D人咁buy呢套戲,係buy戲中那種「進可攻、退可守」的buddy關係(或者係「其實好有嘢的扮buddy」關係), 極娘的講法就是「做兄弟」咁囉, 我就覺得若然男女之間可以去到咁close嘅buddy關係(係隨傳隨到果隻喎),佢地係永遠唔會做情人嘅,而且其中一方(或雙方)係gay嘅至得。而我覺得最唔真實嘅就係:識左幾日就做到buddy,比做情人更加難囉,一支煙真係神奇到咁?太理想了吧。不過咁,講到尾,電影就係幫人實現唔真實嘅夢,比D都市男女入場發個靚夢,都係功德無量嘅。

    回覆刪除
  34. 似乎妳有意破"櫻之桃"的紀錄播!

    識左幾日就做到buddy其實我都試過,不過極之極之少,所以我好記得,不過互動率要非常高至做到!同時我想講,我自F.7開始已定義了男女之間幾乎沒可能存在純友誼的好朋友,只是沒有把那一"點"放大及分裂,沒錯,除非一方/雙方係gay/les!所以,曖昧才令人神往!

    我未食過煙,亦討厭人食煙,尤其是女仔,不過我真係覺得煙係一種好神奇嘅嘢!

    回覆刪除
  35. 我相信呢層樓可以破「櫻之桃」的紀錄,因為講到buddy這問題~ :)))

    我都好同意,男女之間一定唔會有好close的純友誼嘅!尤其係今時今日,人人都明刀明槍,仲點會有人花時間去認契兄妹呀...若然對對方冇意思,就只會係正常朋友,但唔會好close囉!

    不過呢D都係base on我嘅觀察同經歷啫,我好想知:你真係可以在幾日就同一個人(女仔?)做buddy?純友誼果隻?你講得好啱,要好大互動至得喎,我自問就唔會對新相識嘅人(不論男女,男就更加唔會)咁容易放開懷抱囉!咁,之後你地點呀?

    回覆刪除
  36. 太明刀明槍,縮短曖昧期,其實很沒趣!友人同我講,拍了拖以後,仍是最懷念那段曖昧期!當然,如果最後沒結果,曖昧期可以是痛苦的!

    不過,我講的男女之間沒純友誼不因外在環境與時代,而是內在的!其中一個想法是: 和同性friend的交往與異性friend的感覺是很不同的,行為說話語調會為對方做的事也不同,友誼本身應是中性的,沒理由有性別之分,所以男女之間一定有別的東西存在是友誼以外的!

    係呀,真係幾日就無所不談!當然認真想就不是純友誼果隻,因為佢係女仔(不過關於純友誼的論調,只是我個人觀點,可能好多人會覺得存在的,這東西我不會同人拗,因為我接受各人看法不同)!妳果然夠明刀明槍,直接問我之後點,簡單來說,之後成日見成日煲電話粥,變成了好好的朋友但係無拍拖,長遠來說就是a very long story, 等我出書啦,佢會係其中一個角色,不過當然機會渺茫!同埋,如果佢有睇呢個blog,可能會估到我講緊佢,都係唔講咁多......!

    回覆刪除
  37. 唔,我好肯定男女buddy這方面,你的經驗比我多好幾百倍,所以我其實可以談的不多,主要係想訪問下你這位高手的心得而已~ ;)

    理論上,友誼必須產生於人與人之間,所以即使有中性的友誼,那是沒意義的,因為只要加入人的因素,就沒可能維持它的"中性"了。男女之間一定可以存在友誼,但是很close的那一種,(而且雙方都係avaliable咕喎)我則覺得不太有可能了。

    不過你的親身經歷,似乎又講緊有可能喎,所以我覺得你果單野都幾人海傳奇、幾吸引,既然你話出書的機會又好渺茫...不如你搵個機會借醉爆呢單野出來啦!不過我知你唔會晌樹公開講,不如我問下你:你覺得「好似」你地的case,有冇可能繼續做好close嘅朋友、抑或會變成情人?

    可能我年紀大,時日無多,我唔係咁appreciate曖昩的感性架,我覺得好嘥時間;而且我覺得有D野唔好諗咁多,咁至會high D,我覺得要去諗的話,件事就會變得好悶、好正經、好分析性;而且自己柄埋諗乜都冇用,一定要咪埋眼衝過去至知正唔正囉!說穿了,查實我係好主動架~ :ppp

    回覆刪除
  38. 恭喜妳,由妳親手破了"櫻之桃"紀錄!

    唔好講高手啦,好似搞到件事好唔認真咁!

    我所謂的中性,即是有一般人的定義,而那個對友誼的定義應是不分男女的!不過我發覺男女好友卻超越了那些,所以不是純友誼!其實,我在F.7以前是深信男女純友誼的存在,只是經歷了一些事再加上我那時認真想過這問題,結果得出這結論!當然,我的經歷只apply在我身上,別人對於同樣的事發生在他身上已經可以有不同的看法!

    至於availability方面,是有影響的,不過沒有必然性,即是可以是沒決定性的關係,因為兩樣都試過而又work到!而最後,繼續做好close嘅朋友或會變成情人都得!不過結果不重要,因為沒人知道最最最後其實會點,有一段時間work到已經成立!感情的東西從來都不是一條直線,兩個有要好感情的人其實他們的情感也在不斷的變化,只是有些人的關係穩定些有些人多變些!我相信剎那愛意這東西,如果你不去搞它就會相安無事!

    沒錯,曖昧可以是好浪費時間(但曖昧行為自有其獨特的浪漫),尤其是兩個人都是持相同態度,我都覺得我諗得太多!所以,這個世界有人好主動是很好的!

    回覆刪除
  39. 我對availability這件事睇得比較嚴肅,主要係唔想麻煩,若然對方擺明係唔available的,我由day 1已經擺明唔會同佢好close,即係由起步果一刻已經踏在正常朋友的跑道上, 唔會跑跑下走過隔離線囉

    其實我唔相信在一些唔available的情況下, 某人初時明明唔想有發展,後來又情不自禁、或緣來沒法擋blah blah blah... 若然自己唔想, 一直唔比機會、唔比signal對方, 根本不會超越那條線

    所以你講的經歷, 老實講我唔buy, 我會覺得好煩, 反正人係唔會唔同邊個做好友就會死的, 何必為了"一段時間work"而搞到咁複雜...

    回覆刪除
  40. "一段時間work",其實可以是好長好長,又或者中途發生了一些變化,後來又work翻!係呀,可以好煩好複雜架,不過我從來對於遇上朋友都覺是件難得的事,唔係話唔要呢個就有下個,我可以好多年都遇唔到想識的朋友,因此我唔理得咁多!

    而且,個case可以是與一個人好close之後都仲未知佢有無男朋友!不過每個人對於那條線定義不同,有些人朋友與戀人之間真的只有一條線,分得好清!而我好明顯覺得中間是一條超闊的路,存在無限可能性,好可惜中文中就只有"曖昧"兩個字,其實我覺得有好多無法用言語表達的東西,"曖昧"兩個字實在太概括,我曾經忽發奇想,去建立一套theory,去分析各類型的曖昧,每一類型又再分階段.....!

    不過,我相信愈簡單的看愛情就愈會得到簡單的快樂,只是我總覺得有所欠缺,也許我喜歡複雜所產生的獨有變化那種感覺罷,也許我其實有自虐狂,如Anna一樣!

    回覆刪除
  41. 你最後果句, 好似好中, 你應該會死於曖昧...

    回覆刪除
  42. 那麼,妳參加比賽的曖昧故事又是如何呢?

    回覆刪除
  43. 我參賽的故事, 唉, 肉肉酸酸咁啦...

    1. 某人覺得自己跟另一個女孩子有很多相同的習慣, 覺得那是一種命運的sign, 於是在那女子離開公司的一天向她表白, 才發現原來自己一早已認識那女子, 自己更為她喝漂白水自殺, 因為失去部分記憶, 那些所謂命中註定的signs, 只是自己以前追求她時, 刻意模仿她的事(甚至戴女裝手表)

    我覺得第1篇寫得不好, 便修改了從前1篇舊作, 多投1篇, 不過發覺寫得更不好, 而且跟第1篇很相似... :(

    2. 一名個性自閉的郵差, 一次派信時偶遇一名患自閉症而終日被困在家中的少女, 此後覺得少女成就了他對自己的英雄想像, 在大除夕時, 他特地送她賀年卡, 並陪著她玩, 結果被鄰居誤以為他心懷不軌, 入屋把他打到嘔血 (這個郵差idea,其實係《鴛鴦》內那個郵差故事的原型)

    OMG!!!!剛接到入圍的email!!!!唔知係邊一篇入左圍呢???

    回覆刪除
  44. 原來是第1篇入圍,仲排名第1位!!!難以置信呀! 0_0
    http://www.onemedia.com.tw/race.php?raceid=5&sb=0&np=1#racelist

    回覆刪除
  45. 嘩,好勁呀,得一個人有9字頭!妳第二篇81分,其實都係20名,太厲害了!人氣排序是甚麼?

    我得閒先慢慢睇妳篇大作!

    回覆刪除
  46. 多謝多謝...其實,我想你(們)看了會失望呢, 畢竟這次沒有科幻成份, 故事本身...更被人說是離題和真的爛呢~ ("爛"這評語是那個與我素未謀面, 又當我係偶像的師奶說的) 說真的我自己也不想重看~_~ 所以成為第一位真的難以置信!!本來我以為過不了關的...

    哈, 其實呢, 你是我第一個通知的人, 那時一邊在回覆這帖文時, 一邊check gmail, 突然就發現了入圍通知, 然後又發現是第一位.... 不過因為我們是"鷹狼傳奇"的關係 (我唔怕做Michelle Pfeiffer架, wakakaa~) 你成了最後一個知道的人, 其中的時差造成了一些遺憾和美感的想像空間, 是不是?

    回覆刪除
  47. 噢,忘了解答: 那比賽的"人氣指數", 就是有多少人投票喜歡某作品吧, 指數最高的能贏得獎金獎品啊~ 我的小作只有2點, 而贏到人氣大獎的作品有455點呢~ (我也有興趣去看看, 人家是怎樣贏得那麼多人氣...)

    回覆刪除
  48. read molly's latest award-winning story. i see anti-romance, or, irony, is the key to it. curiously, irony is something i am most interested in, especially in stories about love (not necessarily love stories). to me, the most powerful love story ever is Adele H., a film by Truffaut starring Isabelle adjani. it's ever on my movie A-list. 情淚種情花 ,一個癲婆的'愛情'故事。 'casablanca' is another love of my life, truly romantic. but that's alantis, paradise lost, never again will there be love stories like that.

    回覆刪除
  49. 我也聽說過「情淚種情花」是非常好看的一齣戲,從前明珠台也有播,近幾年好似冇重播了...等我到其他途徑找找...我對於"為哥死、為哥亡、為哥變癲狂"的"偉大愛情"頗不認同,不過我想呢齣戲應該唔係以歌頌的態度去寫呢種狂戀之情(我有這印象是由於我識人十分喜歡這齣戲,她就是那種不顧一切、愛情至上的人)

    唔...對於irony、anti-romantic的愛情故事,怎麼說呢,其實我本人對愛(所有類型的愛)都有比較天真的信念的, 我願意相信人與人之間的愛, 必定是美好的東西,可是呢,我又不能否認人性之中存在很多缺點, 所以我的取向大概是: "愛"這一部分是好的,可是由於人性的影響,就會產生負面的發展來。

    說來很慚愧,我參賽的兩個故事都有種相似的路向: 主人公自以為是很純很偉大的愛, 在別人眼裏卻是惡魔行為。不過若單純去說「本格的愛情故事」(其中一位評審就說我的故事不夠「本格」),我實在沒有足夠功力去令它變得有趣、不落俗套, 唯有語不驚人死不休... :ppp

    回覆刪除
  50. 「情淚種情花」其實並非愛情故事,那是有關一個人的完全絕對的執迷 (但愛情亦多如此),那力量大到移山倒海,天崩地裂,所謂愛的對象,完全不重要,甚至視而不見。"為哥死、為哥亡、為哥變癲狂"?好多人都係。但雅黛兒看似為仔弄到一無所有,卻換來誰也不能奪去的癲狂的故執,真烈女也。這戲是全然反浪漫的。Adele H. wrote a lot, but she's not a good writer. she could not do anything right except being a great lunatic in a class of her very own.

    回覆刪除
  51. ps. 教訓係你永遠只有你自己,你要為自己製做你自己。

    回覆刪除
  52. 多謝Sandy的觀賞輔導。我睇...呢齣戲應該好啱Jack君口味喎~ ;)
    (最後那個教訓,好深奧,可堪玩味...)

    回覆刪除
  53. 今日單拖睇左呢套戲。其實,我從來未見過D人打邊爐會咁多話題,PC 更加唔會兩組人一齊去打邊爐,仲要係咁固定同咁開揚的位置!

    鄒凱光做 PC 果場戲更加老土,呢D橋九十年代都唔用啦!其實成套戲相信係導演把自己所想像的,拍了出來。楊千嬅太顧形像,太少講粗口〔佢有冇講過呢?〕,同成套戲好格格不入。我覺得套戲最真實的係千嬅個friend識 facebook 男友果段。

    套戲最好睇係開場果五鐘。

    回覆刪除
  54. @Sandy, 本格就係最合乎本來意義咁解呱... 喺今次比賽的case而言,就係要有番「曖昧」的最正常意思啦我諗...

    @Albert, 乜逗千化果件蛋散係鄒凱光咩?整乜靚仔左咁多?千化個friend約fb friend見面果段的確幾真實、唔誇張,至少冇整件超級醜女嚟搞晶哥式爛gag(搞完仲要扮唔係),佢fb張相,老實講,我都有D friend有類似的設計圖片,我諗無論係咪想溝仔/女,有心show樣都會放張好樣嘅相,唔通放pat屎出來咩?咁樣都唔係咩值得被踩嘅行為啫

    回覆刪除
  55. 我唔得閒寫嘢都唔係好耐啫,多咗咁多回應嘅,仲多咗Albert加入,好不熱鬧啊!

    Molly, 妳說的遺憾其實是不存在的,我是即時看到妳初賽第一的回應啊,不過趕出街,無覆到!呢個答案係咪有D反高潮!唉,世間多少誤會因此而起!.....我最害怕的東西是無人做錯,結果變成了無可挽回的遺憾!

    Molly, 妳又估中啦,我真係好鍾意"Adele H."(情淚種情花)架!其實都係幾年前才第一次看,那時有一段時間狂找杜魯福的戲來看,而這套我是看DVD的,由於只有英文字幕,所以沒法領會全部東西,不過我好記得這片在我心目中是他的系列中跑得好出的!

    我只知有雨果這個人,對他的東西一點不懂,真估不到他的女兒會有個這麼精彩的愛得完全失控的故事,她最愛的人被她100%完美化,只存在於她心中,不存在於這世界!而且,主角演得很好,還好美!

    我大概想到妳認為我會喜歡,一定因為妳曾經想起過我鍾情於Betty Blue中那種接近瘋狂的愛!除了此戲,我看過類似方向的是Gwyneth Paltrow主演的"篇篇情意劫"(Sylvia)講女詩人Sylvia Plath的故事,當然內容與Adele H.不同(時間上我是先看Sylvia的),只是那種歇斯底里的愛導致瘋狂以悲劇終結令我感受同樣深刻,相對來說,Adele H.還可能比較幸福!此外,Audrey Tautou的"He Loves Me... He Loves Me Not"(天使愛過界)也算是個變奏版的瘋愛故事,我也很喜歡,尤其是那個剪接,出色得很,表達出自我完滿的思想與現實的距離竟然可以天各一方!

    p.s. I am still making my own self! Once completed, I will be bulletproof!!!

    回覆刪除
  56. 對,我是由於看了你狂愛Betty Blue (也是瘋狂的傾慕吧),所以猜你會喜歡「情淚種情花」...
    但是"Sylvia"和"he loves me..."兩齣戲都取了一個核突的中文戲名,因此令我卻步~ :(

    回覆刪除
  57. jack, 你会不会看 '愛在你左右' (mother and child)? 唉,又係一个核突中文名,不要被嚇怕呵,oldmor!

    (happy b-day, molly, u still have some minutes to enjoy your day!keep it going!)

    回覆刪除
  58. 哈哈,其實我看了,只是近日忙於寫"紙城"隋想,所以抽不到時間寫!不過我同一般人唔同,呢套戲的英文名已經嚇怕我,最初只看到戲名還打算不看,不過導演咁掂,唔睇唔得啦!

    回覆刪除
  59. @ Sandy, 多謝多謝~ 收到很多祝福, 呢個b'day確實非常happy~ :DDD "mother and child"呢個戲名對Jack來講, 比任何戲名都恐怖...

    @ Jack, 千呼萬喚, 等你的《紙城》隨想好久了! (不過我唔係比壓力你, 你慢慢睇/寫啦~ :)

    回覆刪除
  60. 原來我給poster誤導了,他只是監製,不是導演!

    回覆刪除
  61. yes, the English title is horrible enough. i would not see the film neither if not for the recommendatiion of a friend. jack, wait for you to lay the foundation, we then start to build the blocks.

    回覆刪除