2010年4月15日星期四

Madonna Sticky & Sweet Tour (Blu-ray+CD)------ Always the Queen of On-Stage Performance!!!



1. 此concert是有史以來concert tour總收入的最高紀錄第二位(第一位是Rolling Stone的Tour,不過以solo artist來計就是第一位),全世界去了32個國家,共演了85場!http://en.wikipedia.org/wiki/List_of_highest_grossing_concert_tours

2. 雖然不及她上一個tour(Confession Tour)的舞台華麗,不過她的表演仍是超精彩,完全想像不到是個50歲女歌手所為,她的energy好似用不完,雖知整個演唱會幾乎是全快歌,隻隻都要跳!


3. 整個演唱會充滿節奏感,歌曲的Beat非常重,而且大部份也帶點rock味,相信在編曲方面下了不少功夫!

4. Tour主要是promo佢隻碟"Hard Candy",所以幾乎唱晒全隻碟的歌!

超sharp醒紅色波褲唱緊"Borderline"!

5. 最impressive係佢唱翻1983她第一隻大碟的"borderline",而且係rock版,佢仲彈埋結他,極精彩,當然還有佢條鮮紅色短波褲,搶晒鏡!

Madonna First Album (1983) Cover

6. 呢隻blu-ray其實係收錄佢2008年尾在阿根廷的演唱會,佢唱了兩隻在tour setlist以外的歌,一首是"Don't Cry For Me Argentina",台下觀眾情緒當然激動,畢竟她已沒去阿根廷開演唱會十多年!另一首是差不多完場時觀眾點唱的"Like A Virgin",雖然呢首係佢成名作,不過佢唔係次次tour都會唱,而且少唱,今次是與全場清唱,high爆!

7. Madonna嘅concert當然唔少得dancers,今次依然賣力,而那兩個扮日本古裝的dancers超正!另外,呢個concert Madonna有很多隻歌也拿著電子結他邊彈邊唱!

8. Bonus Footage是演唱會的Behind-The-Scenes,好似跟著她走訪多個國家,也看出製作的認真及Madonna參與程度之高!


9. 作為我買的第一隻blu-ray絕對無買錯,畫面質素又高,似乎我開始翻唔到轉頭,希望blu-ray快點普及,唔駛賣咁貴!

10. Recommended Performance :
 "Vogue", "Heartbeat", "Borderline", "She's Not Me", "Devil Wouldn't Recognize You", "Mile Away", "You Must Love Me", "Don't Cry For Me Argentina", Like A Virgin", "Hung Up"!

26 則留言:

  1. 如假包換的 superstar,貨真價實的大娛樂家,madonna 好嘢。唱 into the groove 跳繩神乎奇技,high 爆,有人話重駛乜吸毒!

    ps.Canton pop 我完全無知,從來無心裝載,大概 miss 咗唔少嘢!

    回覆刪除
  2. 沒錯,我忘了提"into the groove"的跳繩performance,確是精彩,唔該妳的資料補充!

    關於canton pop算是我80s聽歌的開始,不過後來接觸了日本歌及英文歌,便完全沉迷聽歌!可惜90s的canton pop已變得很不濟,亦沒有真正的super star! 同埋後來商台鼓勵甚麼本地創作,唔播改編歌,歌曲質素即時直線下降!我嘅意見係不是不去鼓勵本地創作,不過唔駛去到咁盡,而且本地作曲編曲普遍質素偏低,想做好D應該著重培訓同埋俾多D機會新人,可惜音樂圈又係果幾個人玩晒,新人好難入行,根本無完善機制,都係靠人事,鼓勵創作變相只係幫幾個無料的人增加收入!

    妳提開miss了唔少嘢,我想起某段時間我直頭拒聽國語歌,我後來才知道我真的miss了很多!不過,聽歌(或者看戲)有一個好正的特質,就係可以聽(睇)翻轉頭,你可以不在60s出世而對60s的歌超熟,令人對你的年齡混淆!我記得我當時十幾歲就好熟70s的歌,我都好自豪!同埋好鍾意扮DJ打碟,你知落針果下要好有技巧,一落針就係歌的開頭,雖然現在不常聽黑膠,不過揀歌都仲ok架!

    回覆刪除
  3. '可以不在60s出世而對60s的歌超熟,令人對你的年齡混淆!'說得好有趣!前後左右,古今中外,無所不知,你話幾好!
    电影和音樂如是,看書亦然。三者都為丰富、了悟世界與人生。學校攪通識課程,如從此方向入手,好過教学生乜嘢時事、德育或百万富翁式常識題。

    回覆刪除
  4. 1. 學校搞通識課--學校課程是商品,始終要滿足 customers(家長)需要,若然說課程內容只有胡思亂想而不涉"常識"/"知識",班家長一定抓狂!
    我朋友也有bid澳門某中學(isabella那一所)的類似"通識"課程,長達一年,成個課程以教授學生"欣賞電影+拍短片"為目標, 其中三堂叫我去教,給我的題目是"身分認同, 地理, 全球化"--好奇怪吧,因為課程分中、英文部, 我必須配合鬼佬的課題, 而那鬼佬是"水利工程"方面的專家...)

    那次我覺得我的內容都講得幾好架, 因為我主要目的是讓學生思考甚麼是"身分與角色"、"地理如何表達感情"、"中西方不同的思考模式", 我不設答案, 全部open minded, 只想引導他們去想, 想甚麼就是甚麼。我朋友都說好, 不過他的角度(也許由於他是基督徒的關係)則偏向告訴學生答案, 應該怎樣, 不應該怎樣... 當然他沒有給我任何壓力, 不過我想他那一套, 才是家長樂於看見的一套吧~

    2. "可以不在60s出世而對60s的歌超熟"--對於這一點, 我想是有趣的, 可我不太會這樣做, 因為一來我沒有那股熱情去發掘不是我的時代的東西, 二來我比較注重"歌/其他作品"跟時代的互動, 我想, 作品跟時代是分不開的, 不是活過那時代, 只能從資料去理解那時代, 那對作品的體會便不太真實了, 這就是我越來越對"歷史"東西不以為然的原因(哈,我在"紙城"裏也說及),我覺得現在很多人拿從前的理論去談今天的經濟、政治、中國崛起blah blah blah... 都是廢話, 從前的理論是屬於過去的, 今天的感覺才能說今天的事, 而今天的感覺也不能理解從前的事

    我不是批評你啊,jack,我很欣賞你有熱情去感受古往今來、無分中西的東西(就如Sandy說的那樣),我只是因這題目而發表一下自己的想法而已

    所以我說書本已死!它是方生方死的,從它一面世,它已經out了,(這其實只說明了我懶讀書吧, wakakaa~ XDDD)基本上萬物都是方生方死的,包括"夢想"這東西, 它實現的一刻, 就是死亡的一刻 (其實我打算以此為題去寫個故事,不過連框架都沒有~ :ppp)

    回覆刪除
  5. 嘩,教課程,好叻呀!同埋妳講的題目好高,對我來講私底下討論都有D勉強,仲去教,這是遠到我無法想像的事情!

    不過,我唔明"地理如何表達感情"是甚麼,可以用幾句解釋下嗎?

    "歌/其他作品"跟時代的互動,我覺得好有mission! 我聽歌其實好簡單,好聽就聽,亦唔抗拒聽任何類型音樂,也不分語言,也許我會以音樂編曲為先,不似妳以歌詞為先,所以更容易橫跨年代,好多時一首歌我可以鍾意好多年,但係唔exactly知/甚至唔知首歌講乜,縱使我有能力理解!我試過好鐘意一首歌,隔咗好多年才認真看內容,結果又給了首歌一個新的生命!當然,我也有對音樂類型的喜惡,但我深信每一種音樂都有其出色作品令我欣賞的!

    Music從來都是一種獨特的東西,它本身就是可以超越很多boundary!雖然不同年代會出現不同的音樂類型,不過它本身是沒有述說年代的能力,那些能力在於歌詞, music is absolutely free!!!

    這當然apply唔到去書或電影裡,因為它們真的與時代掛勾!

    妳提到書本已死,我想起一個外國歌手說過,一首歌自錄音室錄完那刻其實已死,它的再生只能在現場演唱時才可以聽到!

    妳的故事是否會於妳下一部作品出現?

    回覆刪除
  6. molly, your liberal education syllabus sounds very interesting. yeah, would like to hear more about it. just as you said, education has become a commodity,and, sadly,for dumb customers esp here in hk!

    jack,i think some good works of art, be it music, movie and books, could both be relevant to their era of creation, and able to transcend time and place, generating different meanings to people of diffent generations. of course, they are more excellent materials for understanding the specific times of their creation. that's exactly why i think they are the right stuff for liberal education.

    ps. one dumb question, jack: do i need any special gadgets to enjoy blu-ray dvd? i only have the most ordinary dvd player. want to buy madonna's concert disc.

    回覆刪除
  7. @Sandy, Jack要天黑先起身, 等我代覆bluray機問題: 如果你只有一般dvd機, 必須要去買部bluray機只可以讀bluray碟, 因為dvd機用紅光讀碟, bluray就用藍光, 係兩種不同technique, 所以舊機是讀不到bluray碟的
    我最近在報章上看到LG出的bluray機售2000多, 可讀bluray碟和傳統dvd, 兼有多種input(包括usb手指)和output。呀, 仲有, bluray機最好接駁LCD大電視, 用HDMI線接駁, 咁就唔會浪費了它的靚聲靚畫, 當然用舊式AV/色差接駁都可以, 不過有D嘥咁解啫~

    回覆刪除
  8. @兩位: 其實呢, 我教的那個課程, 冇你地諗得咁深奧, 因為我係教三班初中生, 而且課程的最終目的係關於電影電視製作(講第二樣我直情吹水都吹唔出...) 所以我主要用番電影和歌曲, 去講D同題目有關, 學生又感興趣的話題。

    例如甚麼"地理如何表達感情", 說穿了就係電影/歌曲場景如何講故事。我當時用了"囍帖街", 叫D學生諗吓"小餐枱沙發雪櫃及兩份紅茶"或"沙、荒土、階磚"那種是冷、那種是暖? 對住班澳門學生, 當然最緊要係用"伊莎貝拉"的片段, 同佢地睇下電影中的澳門, 跟他們心目中的澳門有沒有分別? 那會不會是一種抽離的空間等等...

    我也挺同意Jack所說的音樂部分, 確實可以用純感性欣賞的角度去聽, 就像倪匡說: 書無分好壞, 只有好不好看。不過也有人像Sandy說的那樣去欣賞音樂, 尤其那些資深音樂人, 熟知不同時代的音樂特色和產生背景...當然吶, 我一生都冇可能咁高階, 而且也不會次次聽歌都分析一番時地人的背景,(事實上我而家好努力咁訓練自己欣賞聽唔懂的歌,Jack的推介好幫到我~) 只係覺得有陣時聽到D唔同年代嘅歌, 可以幻想一下那時代的人的諗法和生活, 都幾得意; 但若然認真的分析那作品, 我覺得後世人說甚麼都是廢話

    當然, 很多東西是可以跨時空的, 尤其係關於感情的東西, 可是感情的範圍卻是可大可小的, 簡單如"我愛你"吧, 若真的要去認真的營造這概念, 不同時代都有不同的做法。人們常常說從前的大師多細緻, 怎樣怎樣, 我不是要貶低大師的價值, 我只想強調大師作品都是誕生自他們的生活、並回應他們的年代, 沒有東西是絕對抽離於時代的。

    人們常說今天的流行歌很難聽, 是垃圾, 我覺得不應該跟從前的歌去比較, 今天的作品也能反映今天的生活, 好像葉念琛的戲只懂談無聊的情、說求其的愛, 那又如何? 因為很多人的腦裏就只有這些!我覺得能反映現實已經有其意義(即使我不buy戲中那一套)

    我想, 我這樣說是因為我還是注重歌詞多一點, 若純粹從藝術欣賞的角度去理解作品, 是不是就可以擺脫時地人的元素去欣賞? 我想對很多人而言是可以的, 也是真正的enjoyment所在 :)

    回覆刪除
  9. 噢, 那"夢想方生方死"的概念, 我希望能放在下下本書。我想事先張揚(我也跟sandy說了), 不要對下一本書有期望, 因為那只是用我這兩、三年來的舊稿結集出來, 我覺得質素麻麻地, 徘徊不及格邊緣, 也沒有很動人的概念在其中, 唯一較好看的就是由我弟負責插畫, 好像《鴛鴦》那樣, 希望可以挽回一點分數...

    預計新書在七月左右會出啦~ ;)

    回覆刪除
  10. Thanks for the bluray tips, Molly, and looking forward to your new book. will look for 友一個拾年 in the book stores
    ps. your books have very good cover designs :)

    ps. Jack's 'day for night' life is sooooo.... enviable! i was like working all day today though it's a rare holiday on saturday for me.

    回覆刪除
  11. 剛剛發現四月得三十日我寫咗三十一篇嘢,真係好似返工,仲係一份24/7的工!

    Sandy妳絕對無需妒忌,當你開始要面對乾塘壓力時,就唔會咁happy! 當我於這兩個月找到點生活意義,令我沒法一下子settle down,我又要面對其他嘢,起碼在心理上!

    p.s. blu-ray機可以好平,其實Philips $2000樓下都有,不過有$買D好機當然最好,而HDMI線通常隨機附送,當然另外買貴線又會好D!希望妳盡快享受到Blu-ray的HD 1080p效果,勸妳一句,用咗好大可能翻唔到轉頭^_^!

    回覆刪除
  12. 其實對於葉念琛 X Stephy的戲,我一部也沒看過,零興趣,我已不是那個年紀,我在那個年紀時已看了"100%Feel"就夠了!

    妳提到"只懂談無聊的情、說求其的愛",我想起"求戀期",那時覺得很多看,不知現在再看又會如何!另外,也想起黃真真,我都頂佢唔順,一套可以,套套都係咁,懶係緊貼時代!

    回覆刪除
  13. @Sandy, "友一個拾年"你應該不可能買到了, 不如你問CC借啦...(因為都唔值得買囉~)

    @Jack, 黃真真最令人頂唔順嘅係佢當自己係全香港最靚嘅女導演... 0_0
    1日寫左31篇文!!不如你轉行做寫稿啦~ 不過寫稿人工可能低過做S & P, 而且要出外景又要服侍人(下刪五百字)

    @兩位, 講開工作, 其實我在上面想寫一樣野, 係關於我去澳門教果三堂書。果陣時要凌晨0445起身, 趕去上環搭0730的船過大海, 之後一直唔停咁教到下晝兩點幾至走得。有次我坐在船上, 夾在成班去澳門起賭場的男人中間, 有種"辛苦到想嫁人"的感覺... @_@

    回覆刪除
  14. 吓,黃真真當自己係全香港最靚嘅女導演?有D咁嘅事? 我淨係覺得佢成日以為自己好才女咋!原來佢以為自己才色兼備!

    係一個月唔係一日,我諗如果我做到一日寫三十一篇就可以轉行,同埋要接觸咁多人群好唔啱我!人工低我一D所謂都無,我無期望會高過做S&P,雖然S&P其實都好低!

    "辛苦到想嫁人" ---- 完全明晒!

    回覆刪除
  15. 係呀,黃真真本來係在APA讀performance架,係諗住做演員架...我覺得第一集的"六樓后座"還可以,我不是buy那種生活,但覺得都叫做有誠意去反映某D人嘅真實一面,到第二集就真係...睇左3分鐘就轉台了~

    回覆刪除
  16. 對,各人頭上一片天,講羨慕得啖笑。

    吓,個係靚女導演,咁張艾嘉呢?雖然她是渣導演;好像林愛華都 ok;還有來路的kathryn bigalow呢?又勁又靚。X真真?真唔真呀!佢有D似劉玉翠,劉重靚D。

    本地娛圈至靚:阿嬌、柏芝 (艺人漂亮是美德)
    導演靚唔靚,who gives a damn?

    回覆刪除
  17. 係播,有張艾嘉!佢雖然不是我喜愛導演,都未算渣吧!

    如果講最八婆潑婦導演黃真真應該有份!

    Molly, 我講果句"一套可以",咪就係"六樓后座"囉!我幾乎算係罷睇佢D戲!不過,佢好似有新戲上!

    本地娛圈至靚:Sandy, 除咗妳講果兩個,真係好難諗,諗到果D都唔係土產......吖,其實我覺得陳文媛都好靚,所以我幾時都話陳冠希識揀!仲有,楊淇個樣都幾有style同埋character!!!

    回覆刪除
  18. 其實岸西都OK,不過梗係冇張姐咁正啦...而家D後生唔敬老架,只要你老過佢,你罌靚都係零分!

    楊淇係好特別有沉澱的氣質,我都幾鍾意佢架,不過又唔會覺得佢算靚,本來我想講李心潔,但係唔知佢算唔算笨地藝人...有時我覺得"靚"字有"唔算好叻"的意思,靚女真係唔駛太用功都可以得到好多野(澄清:我唔係妒忌... :ppp)所以我選圈中靚女,可能都係一D冇咁叻嘅我至覺得佢靚,我諗林嘉欣都算靚女,雖然佢唔識著衫又年紀大了;阿sa都越大越靚丫

    回覆刪除
  19. 李心潔唔算!阿Sa果D又唔可以用靚字形容!林嘉欣都靚,不過總是爭D! Anyway, 靚太主觀了!

    Natalie Portman咪又叻又靚囉!

    其實,鍾楚紅都仲係好靚,以前真係勁鍾意佢!哈哈,突然諗起Viann!!!

    回覆刪除
  20. p.s. 我嘅意思係李心潔算靚女,不過唔係本土!

    回覆刪除
  21. 呀,仲有一個,我覺得佢真係靚女--楊采妮,佢嘅工作態度同個性仲非常好添~ (當年小妹仲有兔仔牙時代,都同佢影過相,唔知有冇比你欣賞過呢?)

    回覆刪除
  22. Oh Charlie, long hair, not my kind of girl!!! 妳地合照有少少印象,不過又可能記錯! Let me see!!!

    回覆刪除
  23. 我諗我實屈過你睇, 我晌tvb淨係同陳綺貞、楊采妮影過相, show來show去都係得呢兩張:
    http://oldmor.mysinablog.com/resserver.php?resource=491200-MorMorCha.jpg

    回覆刪除
  24. 死,好似有D印象,又好似未見過!幾時嘅事?

    回覆刪除
  25. 你講呢幅相? 應該係2004年尾影嘅...

    回覆刪除
  26. 我最叻都係同過@17合照咋!不過叻在Ellen啱啱考完會考!

    回覆刪除