月滿軒尼詩("Crossing Hennessy") ------ 學友，湯唯，安志杰的關係沒火花！

導演: 岸西 (2010)
編劇: 岸西
主演: 張學友, 湯唯, 安志杰, 鮑起靜, 李修賢, 朱咪咪, 張可頤
片長: 104分鐘

1. 套戲好淡，沒太多印心的東西！相對地最有火花及高潮位只有張學友與前度張可頤(其實我唔認得佢，出roller先知)在樓梯的那場戲，喜歡那句: "妳以前講過架啦！"!

2. 仲喜歡張學友那句:".......我懶懶閒過一生都應該無乜難度吖........"

3. 修甲果個好熟面口，原來係卓慧敏！

4. 竟有串星鄭伊健同埋邵美琪，如果佢地同場就仲有gimmick!!!

5. sidecast好睇D，鮑姐得，鬧臭朱咪咪那場做得好；朱咪咪係醫院向學友confess那段也不錯，算突破了自己形象！

6. 淡妝的湯唯頗討好，學友D戲真係唔得，兩個D對手戲又無火花！學友，湯唯，安志杰的三角關係那段又欠說服力，只感到他們的感情都很兒戲！

7. 印度人的神秘出現想不明作用為何！後有說是代表"愛情"，那究竟怎樣代表呢？不要說就是那種來無蹤去無跡的感覺呀！

8. 看不到岸西從前的細膩感情描寫，有點失準！相對地她的第一部作品"親密"好很多！

9. 之前看了太多次trailer，無十次都有八次，發覺出晒套戲的punchline對白，用得太多up-sound啦，到睇套戲時完全無晒反應！不過trailer用的那隻音樂確是配合得不錯！

10. 一起看的友人完全失望！