2010年4月9日星期五

櫻之桃與蒲公英("ヴィヨンの妻~桜桃とタンポポ~") ----- 常人不容易理解的夫婦感情!
























片名 : 櫻之桃與蒲公英(Villon's Wife) (2009)
導演 : 根岸吉太郎
演員 : 松隆子、淺野忠信、廣末涼子、妻夫木聰、提真一
原著 : 太宰治: ヴィヨンの妻~桜桃とタンポポ
片長 : 114 分鐘

1. 今天上畫即看,不想讓廣末等我太久!不過好辛苦才等到廣末出現一次,佢叫"秋子"呀,真係好聽啦!

2. 入場見opening credit才知是太宰治的小說來的,立時收拾心情,因為相信一定是有點灰的了!最近看太宰治的"人間失格",喜歡上他!不過,出奇的這戲似乎完全沒宣傳是他的小說改編,更是他生誕100週年紀念電影!


3. 其實看很多情節也想起"人間失格"的背景,同樣是四十年代,也正是太宰治的年代,甚至某些佈局也與"人間失格"相似,淺野忠信的角色性格也是與"人間失格"的主角是同一類人,也許正是太宰治自身性格的反射!還有,我相信太宰治同樣是一個很好杯中物的人!

4. 大谷(淺野忠信)的性格其實是頗複雜的,不容易洞悉,而他的妻子佐知(松隆子)對丈夫所作的事的反應常人更難以理解,起碼我相信一般人不會是如此反應,他們關係的那種微妙確是非筆墨可以道出來,仿似超脫了常規,很特別!也許一般世人沒法明白,甚至是觀眾也覺莫名奇妙,不過這沒關係,因為他們之間又與世人何干,他們自有一套只屬於他們關係的運作模式便可以!某程度上他們是互補內心的某種缺憾,我很欣賞佐知的胸襟,簡直是超凡脫俗,是一個神奇的怪人!大谷也提到別人說他是怪物!真是天造地設的一對!


5. 喜歡那場殉情的戲,很sweet!!!

6. 提真一的角色是以前佐知喜歡的人,他對佐知念念不忘,避開了"那個"污點卻成了他人生的污點,是個悲劇角色!而岡田(妻夫木聰)暗戀佐知同時仰慕大谷的寫作才華的那個角色頗討好,而他與大谷的對手戲是全片最有趣的!妻夫木聰的幼氣及帥氣是吸引人的,不過同樣地局限了他的角色,也許正是他未能大紅的原因!


7. 廣末的情婦角色要刻意加上些風塵味,看她望著佐知所流露的勝利者眼神做得不錯!竟然還有與大谷的床上戲,大露背呀!唔知點解,我一直很喜歡廣末的背部的,與一般女生不太一樣,很闊而厚!好彩對手係淺野忠信,我都ok嘅!


8. 有一句對白好有印象, 佐知對大谷說:"原來你有很多東西我是不知的!",大谷回應: "妳不知的,是我最無謂的部份!",那一刻我好有feel,雖然那種事在別人看來是很大件事,在大谷眼中他與妻子的關係卻是完全另一回事,是唯世獨立的!

9. 大谷也感慨地說出作家的心聲: 讀者說好便是好,讀者說不好便是不好!

22 則留言:

  1. 我不知會否是翻譯的問題,如果佢譯"妳不知的,其實是一點重要性都沒有!"我可能無feel,不過話"是我最無謂的部份"個感覺完全唔同晒,起碼對我而言!

    我覺得大谷的性格是不會拆的,見佢幾厚面皮話食軟飯就知!果場戲我都覺得超正,佐知在他面前放tips入抽屜,明醒佢架啦!

    我無諗"叫媽咪都"飛啊、飛啊"播,我驚最後係見到飛機場:P,我都係想廣末飛多D,不過係我面前就夠啦,唔駛係觀眾面前!

    既然妳諗到導演/編劇一定有特別野想表達,咁應該稍為平復了妳的突兀感吧!而且似乎妳都諗到!

    回覆刪除
  2. 我相信"賤丈夫與好老婆"的故事會係普遍睇法,亦是最簡單直接的領會!不過,他們的關係根本唔係咁簡單,好難一言兩語概括,所以我才寫"非一般"!而且如果認真係大谷的內心世界去諗,係好複雜,唔可以單用一個"賤"字形容!

    對我嚟講都激架,不過佢早於"秘密"中都有同阿爸有床上戲!

    回覆刪除
  3. 1.小說原名叫維榮之妻,應該是以佐知為中心,但太宰治又是男性,那麼應該是男性角度看女性心理!

    我不知當時的日本社會是如何,我明白日本傳統是在大男人主義,好多嘢女人會預咗,不過佐知所表現發自內心的樂天卻很非一般,由小到大自過不少日劇/日戲,從未見過把日本女性描繪成這樣,大多是表面看開,內心鬱結!

    妳舉的例子正好,丈夫做出這種事,她竟可以作出如此反應,已夠非一般,起碼完全出乎我意料!仲有,佐知的幽默感也確少有,丈夫返來便問他: "你很久沒返來了,返來不是給家用嗎?"她的語氣似在戲弄丈夫,面矇矇其實心水不知幾清!

    佐知初初去酒館說當自己是人質已夠搞笑,我仲以為佢兩公婆都咁無賴.無錢還仲要去債主到呃飲呃食!佐知無預知能力,佢根本唔會知果晚丈夫會酬到錢,不過佢肯定對大谷有信心,不會一走了之,一定會想辨法,也看到他們的非一般感情!

    佐知問老闆娘tips是否可以自己袋,也看到她的開心是從心的,一般人有個這樣的家庭,一定臉上常帶愁容,沒可能會像佐知那樣!她的性格我真的覺得很有趣!

    回覆刪除
  4. 2.突然記得妳鍾意竹野內豐播,仲記得妳個blog果張咭!不過竹野內豐man好多同埋有滄桑感,而妻夫木聰就超陽光!

    3.我記得第一次出場個shot好短,仲好遠!之後佢去酒館先可以望真,但係果場戲好cute,"每次想見大谷佢就會嚟呢度"飲醉咗俾人拍醒第一句就問:"你嚟嗱?"真係好痴情!

    4.死,我估佢無do到播,不過我無留意佢頭髮亂了,係咪要再睇多次呀?!

    回覆刪除
  5. 5.佐知一出場,我淨係覺得佢衣衫不整!日本人先留意到嘅細節嘢妳都留意到播,唔通妳係日本人?

    淚王子我無睇亦無興趣睇,首先戲名我已經頂唔順,見到楊凡導演更失去看的意欲,我只可以講我真係唔太欣賞佢D嘢,或者係我唔識欣賞,睇過幾齣佢嘅戲都失望,說得對:"劇情膚淺",不過呢套我無資格講,因為我無睇,我真係覺得得兩個字:唯美,沒其他了!

    6.根據故事簡介: 「櫻之桃」微妙地描繪了男人的心靈纖弱,「蒲公英」比喻女人的溫婉堅韌! 

    太宰治本身喜歡櫻桃,而他生日當天是日本的櫻桃忌節日!

    我剛剛才知太宰治是與一個崇拜他的女讀者投河自殺而死!似乎他把自己的想法完全投射到大谷身上,某程度上,大谷根本就是太宰治!原來太宰治真的經常自殺未遂,而且通常和女人有關,令我更加喜歡他!突然好想去太宰治紀念館「斜陽館」!

    p.s.原來"人間失格"都拍了電影版,今年上畫,唔知香港有無得上呢!

    回覆刪除
  6. 而太宰治最後的作品是"櫻桃"及"人間失格",還有未完成的"Good-Bye"!

    回覆刪除
  7. 不錯,正是外人唔會明, 唯有佢地兩個樂在其中」,可能不是「佢地兩個」,而是各自「樂在其中」。女的行為不難明白,東方女性好像本性愛犧牲,受人歌頌得多,更多對號入座,遇到什麼男人都一樣。像‘母親’的吉永小石合,遇見好男人,都係一樣。這戲是一個這樣的女子性格自我完成的‘喜劇',倒不是探討什麼男女關係。現實中較不堪的多是女的一面犧牲,一面埋怨男人,好猥瑣。佐知當然高貴得多!廣末演出具型格,可惜戲少,像附屬品。
    Btw,'淚王子'was actually not bad at all. yang Fan could be sometimes good. for once perhaps.
    bbtw, Jack, are you deliberately avoid watching 'Love in a Puff'?

    回覆刪除
  8. Sandy:
    好開心第一次見妳在我個blog留言!
    妳說"各自樂在其中"很貼切,而性格的自我完成更去到心理學層面,同時解釋了她的行為反應!"母親"我沒有看過啊!
    似乎女性對佐知的所為果然比較理解,沒有如我看得那樣有趣!不過,對我而言,女性心理從來也是較複雜而難以理解,也因比較有趣,不似男人那樣簡單直接,不過有時卻簡單得恐怖,到一個討厭的地部!大谷卻是罕有的複雜,也許他自己也未必了解自己的行為反應,因為我覺得他的行為未必直接反映他的內心!

    妳讚廣末是否氹我的呢?其實她不只是戲中的附屬品,更是大谷的附屬品,看不出大谷真的愛她,只是也許一個人自殺實在顯得有點寂寞,有人陪在一起殉情比較浪漫淒美吧,況且是一個傾慕自己的人,各自也會死得快樂,雖然大家的快樂是不同的!

    "淚王子"真的好嗎?不過就算"遊園驚夢"我也覺得不好,除了宮澤理惠做得好!看有否機會給它一次機會吧!

    是的,我是故意不看志明與春嬌,只因余文樂(其實古天樂,湯鎮業有份的戲通常我也不看),妳似乎在暗示齣戲不錯!其實我ok彭浩翔,因為佢D idea得,只是拍長片總是差D,因為一個sharp的idea好難拍一套戲出來,所以我欣賞"破事兒",因為佢D大橋最好只拍十多分鐘就最fit!!!

    回覆刪除
  9. Molly:
    妳竟然快過我回Sandy,不過我應該係早寫過妳,只係我打得慢啫!

    說起倪周,想起友人曾提過,外人不了解也許只因單從普遍女性角度著眼!她說周到了這個年紀這個地部,其實她選擇不多,也許倪已是她最好的選擇,她應該計過條數,別人只看到倪最差那面,他的好可能只有周才看到,多年感情,有些東西不是常人所能體會!

    回覆刪除
  10. 好,我就可以心裡面不停估歌名!

    突然又諗起"奪麵雙琪"事件,全世界鬧Gigi,我就係覺得佢英,呢個世界無乜咩嘢真正第三者,總之唔係相愛果兩個,其他人就係第三者,無分先後次序!Gigi嘅態度就係:我明搶妳男朋友呀,吹咩!

    我最有印象係佢開記者會,俾超多記者圍攻,佢一個人撐,無代言人,個刻我覺得佢好Man(或者係好Woman)!以前我淨係鍾意佢靚,之後多咗鍾意佢夠僵!(p.s.不過,近年來對佢感覺淡咗!)

    回覆刪除
  11. Molly:
    1. 要我比較兩套戲,好似以前做功課!講起東京日和,我記因為要censor係公司睇,所以不太投入,有點悶的感覺!不過我知這戲重點不在劇情,他們的感情是滲出來的,所以相信要看得投入才好看,應該適合在戲院看!想起侯孝賢的"咖啡時光",又係淺野忠信,齣戲正如妳所說,是平衡發展的,不知會怎樣結局,而結局最終來得比想像中突然,不過那種淡淡然卻令我很喜歡,很真實,因為現實根本就不是怎樣戲劇性!

    戲中淺野與一青窈的關係也很脫俗,而且難以define!他們的關係也是平衡的,就如其中一幕,他們乘著各自並排的列車相遇的一刻,就只有那一刻,而那一刻也只是隔著車箱,從來也沒有相交點,之後也不會有!那齣戲是紀念小津安二郎冥誕100週年而拍的,不知妳看過否?

    回覆刪除
  12. 2. 不過豐哥留鬚好型,妻夫就應該唔得啦!

    3. 最頂果張相咪有廣末樣囉,雖然好細張,不過我都找了很久,因為大部份poster都係無佢!一陣加埋妳果張!

    4. 唔知係導演有心唔踢爆,定係太宰治係本書度都無提呢?
    不過諗諗吓,會唔會係佢之前刻意塗唇膏,心理上當了自己是第二個人,就做乜都得(甚至是妓女),之後返落去就放底支唇膏,仲即刻把口紅抺掉,做翻自己嘅身份,當無事發生過!

    我選擇"日本女人本來就唔會令自己污糟邋遢咁出街"!

    "MW"我無睇,不過其實我相信太宰治的書根本唔適合拍戲,所以人間失格都唔知會點拍,照足本書拍肯定悶死,就是書的前言已經無可能拍出來,我唔信佢可以攞到"果幾張相"嘅feel,妳睇咗就明我講乜!

    5. 反應寫埋係1.度!仲有,原來太宰治是在生日前幾天自殺的,不過邪在屍體發現那天正是他生日!同埋,原來佢同三島由紀夫是不和的!

    回覆刪除
  13. 答咁多問題都幾辛苦架,唔係辛苦諗,係辛苦打!之前第一次答Q1.寫咗三段,點知唔覺意delete咗,要再諗過D wordings又要再打,點知又係打了三段又唔覺意delete了,搞咗個幾鐘得個吉,好忟想唔寫,結果都係再打一次,答完Q1即刻send咗先,驚又無端端手多delete咗!

    淡咗啫,未到想佢死的地部!又唔可以話伊麵削,佢個位都好難做,唔講社會壓力同埋影響事業,作為一個人都唔可以對前度咁殘忍,佢嘅反應係正常,而Gigi超乎正常啫!

    果篇文章提到有人如此評論:"三島對太宰的憎惡就是近親憎惡",可能就係講妳果D嘢!

    妳不記得咖啡時光劇情好正常,因為根本就無乜劇情,記得個mood佢已經成功,我都係感覺良好!其實侯孝賢的作品都有這種感覺,他就是能拍出那種mood,而且次次都work,起碼係我身上,高手!如果唔appreciate果種mood或者收唔到,就應該會悶死!

    回覆刪除
  14. 我對隻promo無印象,可能果期唔係我負責睇promo!妳知我返屋企又唔會睇電視,有D promos可能呢世都未睇過!
    不過三隻都係20"播,我鐘意尾果兩隻多D,尤其是尾果隻,我喜歡個"隔"字!不過第一隻祥哥好似失準,攞唔到個feel!

    回覆刪除
  15. 你兩個寫嘢快到嚇死我。寫中文好攞命。

    Molly, 對,倪周的例子真好!完全唔駛解釋。

    dark side of the moon,志明與春嬌係好唔錯,對白似人話,情景令人信服。i love films driven by dialogues. it's imitation of life,the illusion of reality. 不過,因人廢戲亦在所難免,人越大越嚴重, i also have a problem with someone like nicole kidman, sammy cheng, gigi leung .... and worst of all,kelly chan!

    回覆刪除
  16. Sandy:
    快果個係Molly,因為佢用嚟搵食嘅!我打中文其實好慢(打得多,我諗都快過舊年嘅!),要花好多時間!做咗咁多年人都仲係睇Keyboard打字,好失敗!

    "illusion of reality"有意思!

    可能妳同Molly接近過我,都係文字人!

    看了妳的list,我聯想起Nicole Kidman有時好似假人,鄭秀文好想表現自己有戲果套"長恨歌"睇到我想死,好記得果場係屋狂哭的戲,有戲嘅人係夠膽對著鏡頭哭的,唔駛遮住塊面!Gigi就....唔講啦,我知好多女性憎佢,佢演得最好係"愛與誠"!Kelly我都好怕怕,唔識做戲到離晒譜,我上次係睇"大事件",見到佢D戲真係大件事,成套戲俾佢搞喎晒,仲話自己為了這戲專登去受訓,好心佢唔好話俾人聽啦!以上嘅人我都唔憎,係對戲不對人!

    香港這十年來,呢代女星中最好戲係張柏芝,佢雖然未到出神入化地部,不過好有進步空間,起碼佢D戲令你投入到!不過我諗佢唔會出翻嚟,好可惜,有D嘥!

    回覆刪除
  17. 唔鍾意古天樂係佢個人本身唔係好得,講嘢又膚淺,又扮唔係!D戲都唔得,可能我本身有bias,真係唔覺佢邊齣戲做得好,"忘不了"好D啦,可能都係因為個角色!不過,我又咁諗,劉華比劉華,佢係"門徒"的表現我反而覺得好過佢其他戲!古天樂的道友角色都係浮誇,同埋我未見過道友咁大隻,ending時有D大快人心!

    "証人"唔睇到結局?ok架翻條橋!謝檸檬就always地over晒,不過我本身幾鍾意佢(加D同情啦!),所以唔會好似妳咁,同埋睇佢點都好睇過郭富城,對我而言!講開又講,霆鋒出道時我好憎佢,後來改觀了,呢D嘢好少發生係我身上,通常我憎開就憎一世!

    回覆刪除
  18. 好彩無睇"向世界出發"!不過我覺得佢本身有嚴重性格缺憾,我會原諒佢好多嘢,可能都係我鍾意佢嘅原因!

    係呀,見古出場無耐就死咗都不知幾開心!可能因為咁俾多咗分佢啦!

    回覆刪除
  19. yeah, cecilia cheung is the best at the moment. she might overact sometimes, but she's a real talent, and i am quite sure she'll excel when meeting a good director. 'Twelve night'(with eason chan) is my all-time favourite. script is not much a problem for her. she delivers all the same, in good or bad films.
    sammi cheng tries too too hard to prove she's a talent and hate her trying to act 'natural'. kelly chen is helpless. giftless but focuses too much on appearance/image. she should just be honest and stay a bimbo. my vote of the worst film in the whole world, i.e. the one she starred with the Jap male actor Molly likes. forgot the title.

    well, think we should really stop here. may start a new page to continue or start something new.

    回覆刪除
  20. 好啦,等我平頂!好彩我無睇過"冷靜與熱情之間",不過好似記得配樂係Enya!

    好鍾意Sandy果句"kelly chen is helpless"!

    我睇過"十二夜",印象中個concept不錯,但內容已不太記得,似乎我要找機會重溫!

    -----THE END-----

    p.s. 其他人想講呢套戲仍是非常歡迎,我唔會唔理佢!

    回覆刪除