2010年3月14日星期日

歲月神偷("Echoes of the Rainbow") -------- 地道老套故事


導演: 羅啟銳
主演: 任達華,吳君如,李治廷,蔡穎恩,鍾紹圖
片長: 117分鐘

1. 雖然仍會落淚,但那種悲情已是舊瓶舊酒!

2. 以六十年代香港為背景,老一輩的總能找到點共鳴吧,只是配上大兒子老套得恐怖的故事情節,實在又太不寫實了,煽情其實可以紮實點,會更顯功力!

3. 我找到的最大共鳴是阿爸鬧仔,我即時想起我的童年,不過我無咁好彩有阿媽幫,而是一齊鬧,凶狠程度有過之而無不及!那場戲亦做得相當出色!

4. 不過最初我極頂不順那細路旁述的聲調,戲中的他反而沒有那樣造作!此外,那些明顯的搭景令人看得好不投入,失去了六十年代的真實感,而且又不是現場收音,很是不慣!

5. 阿哥有點似少年王力宏,而阿哥女友又有點似很早期的張栢芝,不錯!

6. 好喜歡的那句不是"半邊難,半邊佳",又或是"最緊要信",而是阿哥的"好靚呀,D墓碑",哈哈!

7. 任達華整體演得不錯,兄弟情亦有感人處!

8. 這個戲名應該有個更好的故事!

1 則留言:

  1. 我都好唔buy"鞋"=佳+難,覺得好造作;不過據說導演阿媽真係咁講過,導演大哥亦係血癌死,全片有九成係嚟自真事,所以呢,雖然睇落套戲好假、好作狀,但係原來假得嚟又真係發生過!又係嗰句:life is stranger than fiction.

    我諗我同你嘅童年都唔多happy,屋企日日家嘈屋閉,所以我都好唔得嗰D"回憶總是美好的"的陳腔濫調,彷彿要突出懷舊的美,非一家人齊心合力不可,好悶!又或者好像"父子"那樣,父親的蠻橫無理非常堆砌,無氣無力。

    對我來講,回憶唔美,不過總是好的,至少有那樣的過去才有今日的我(若我認為今日的我還算不錯的話)。

    ps. 唔係化?冇現場收音?太慳水慳力喇羅啟銳!

    回覆刪除