2010年3月13日星期六

"The Hurt Locker" (拆彈雄心) ----- Good film but Not my standard of Best Picture yet!


Film: The Hurt Locker(2008)
Directed by Kathryn Bigelow
Written by Mark Boal
Starring Jeremy Renner/ Anthony Mackie/ Brian Geraghty/ Christian Camargo/ Evangeline Lilly/ Ralph Fiennes/ David Morse/ Guy Pearce
Running Time: 131mins


1. 整齣戲是不斷的拆彈,遇襲,再拆彈,再遇襲,但是每一場的戲都拍得異常緊湊,由第一場開始已能令你相當專注,還未喘過氣已開始第二場拆彈戲,整齣戲靜下來的時間不多,這樣剛陽的戲,真想不到是女導演所拍,只能從描寫家庭兒女及孩童人肉炸彈的情節看出點端倪!

2. 戲的真正劇情其實不多,顯得有點劇力不足,不過導演可能就是想用紀錄片角度把拆彈組在Iraq所擔任的前線工作呈現觀眾眼前,同時諷刺那些只懂坐在辨公室的高層體會不到及不顧他們所面對的危險!也許這種主旨題材最能獲得Oscar評委歡心,在我看來卻未是Best Picture級數,我亦懷疑電影所表達的與真實情況又相距多遠!

3. 戲中的神經質拆彈組玩命阿頭其實大大減低了戲的客觀性與真實性,雖加強了戲劇效果,不過卻犧牲了紀錄片的精神,既然沒有兩全其美,導演當然要作出取捨!不過,阿頭的表現也正好反映出戰事把人推向瘋狂,他對拆彈的沉迷正與片頭所說"戰爭如毒品一樣教人沉迷"形成強烈的對衡!

4. 哈哈,戲中竟提到jack-in-the-box!就是那場戲,主角提到人愈大,喜歡的東西會愈來愈少,最後可能只有一兩樣,因為從前覺得有趣的東西,換個角度看,其實一點也不有趣!我相當認同,而且他所說的是universal的!

5. 超級市場主角找麥片那場戲雖然是有點刻意,正反映出兩地人民生活質素的懸殊,Iraq人民基本上是沒有選擇的,美國人面對的卻是選擇太多!大家各有各的困難啊!

6. Ending的caption也估到會是這樣,因為我看過"(500)Days of Summer"!!! 想起主角所說"That's what suicide bomb means!"的幽默! 

7. 以同類型電影來說,我還是喜愛"Black Hawk Down",當然那齣商業味較重,也更有劇力!

9 則留言:

  1. 我個friend同你同一日寫本片的影評如下:

    「睇左《拆彈雄心》, 另一齣英雄片, 唔好睇兼睇到我老公頭暈 XD 同埋唔知點解啲觀眾睇到美軍射唔中啲中東人會「哎呀」, 好可惜咁, 同D美國佬好熟咩 -_-」

    回覆刪除
  2. 是的,著重劇情的觀眾也許會覺得悶,若抱著看紀錄片的心態入場的人可能有意外驚喜,不過會覺得它寫實不足!

    回覆刪除
  3. 以下係我個friend兩公婆在fb的影評:

    老婆:D觀眾真係好鬼投入, D美軍行步路都驚佢踩到炸彈咁, 頻頻驚呼 (我隔離個女仔成日好緊張地細聲嗌「唔好呀」), 但係見到D中東人死又冇反應(直頭宜得佢地死快D咁), 真係好唔抵得

    老婆:同埋我老公話坐佢隔離一位女觀眾, 睇左一個鐘已經暈到離左場 (因為鏡頭都幾搖下), 所以大家去睇真係要小心, 千祈唔好邊睇邊食, 唔係嘔都似

    老公:四點三同老婆去園方體戲﹐體FOOT LOCKER﹐去到岩岩好入﹐間野設計麻麻﹐昂高頭體﹐唔喇舒服﹐典型軍佬片﹐無乜特別﹐最喇慘係最尾個鐘體到我頭雲﹐何其超雲﹐隔黎位個女人我估都同我一樣頂唔到﹐拒重快﹐八九個字就出左去﹐之後拒老公見唔對路先出埋去﹐我都真係好難頂﹐真係稔過出去﹐直頭個人又熱又凍﹐無力行出去﹐要咪埋眼﹐叫老婆比粒強我食﹐後尾先無事﹐好彩無事﹐唔係係條街度都唔知點算。

    老公:唔知邊條扑街話呢套戲反戰架呢。亞煩達又話反戰﹐呢套又話反戰﹐一D都體唔出。

    老公:講環保講反戰﹐扼Q你入場。淨係識體埋D JOY爛片﹐特技片﹐軍佬片就淨係識SAVING PRIVATE懷恩﹐TROPICAL FOREST金。

    回覆刪除
  4. 昨晚(13/3)《頭條新聞》影評提到本片:一方面話反戰,一方面又勁buy美軍入侵伊拉克,結果人人都唔知自己為乜...也許這種矛盾、這種唔知為乜,就係而家D美國人和美軍的寫照。

    回覆刪除
  5. 1. 我今晚終於睇左呢套戲喇!其實比我想像中好睇喎,講真,我唔係幾鍾意睇戰爭片,不過有個friend特登send msg話我知好睇,咁我都試下睇啦!竟然引到我一口氣睇晒,我平時晌屋企睇戲,係分開至少2次睇架,主要因為冇咁多時間,後來變成習慣,冇乜耐性...(呢點亦造成我唔鍾意去戲院睇戲嘅原因,想行開下都唔得...)

    2. 睇完後,我幾詫異D人會從"係咪維護美軍/係咪反戰"嘅角度去睇呢齣戲喎,因為根據一般嘅戰爭片模式,主角的敵人必定係人,若然D敵人係平民,咁咪不義之師囉(反美軍出戰是也);若然D敵人係壞人(好似阿凡達咁黑白分明),咁咪正義之師囉!

    但係好明顯本片主角嘅敵人,係炸彈,所以首先已經唔會有正邪嘅衝突晌度,因為主角毋須面對係咪濫殺無辜等問題,拆炸彈一定係啱咕喎,而且戲中的伊拉克人同美軍一樣,有好也有壞,也有不好不壞,比我嘅感覺:其實套戲係講緊人承受壓力嘅心態,尤其係佢地晌沙漠到,由朝到晚"伏"果班槍手;又或者每次拆彈,負責cover的人會草木皆兵、緊張到就嚟痴線;又或者係人在異鄉的心情,只要離開軍營,就處在一個無人可信、無人信你的世界,果種精神壓力真係大得驚人!

    我十幾年前,曾經一個女仔去埃及旅行一星期,果陣時比人呃又比人坤,仲試過比0靚仔拍後尾枕圍住起哄,好感覺到果種處身異鄉的無序社會的脆弱感。主角James變到似個"拆彈機械人",就係要抗衡呢種脆弱感,不過咁樣可以保護佢上戰場,但就令佢過唔到普通人嘅生活。

    3. 我諗所謂"出自女導演手筆"亦在呢D地方,男導演(尤其荷李活果批)處理戰爭劇情,必定會訂出正邪雙方,然後硬碰(可能又關基督教文化影響?),當然主角唔一定代表正義一方,但係角色配置必定分明,讓觀眾容易從雙方的對決去放置觀點。

    今次女導演去處理故事,最不一樣之處, 我個人覺得全套戲根本冇好人或壞人之分,因此主角亦沒必要經過甚麼反思而提升自己/改正錯誤(有人話佢受小男孩之死而變得愛阿拉伯人,我唔覺囉,雖然最後佢不停對人肉炸彈的男人講"I'm sorry"有點太露骨和造作),甚至沒有人質疑"戰爭的意義", "生命的意義"等等,有同僚陣亡都係匆匆帶過就算; 正如軍醫話齋: "總之只要諗D正面野就得", 將自己train到好似機械人咁,唔識驚又唔識諗野, 就可以面對戰爭的壓力

    因此,我覺得臨尾黑人軍人同James講想要BB, 仲有James的家庭生活那幾場戲, 我覺得十分格格不入,可能冇左果D理所當然的傾訴內容,怕D觀眾(尤其係美國人)會覺得成套戲好冇內容呱~(睇唔到佢地想睇的所謂"戰爭的反思"囉)

    4. 總結係, 我覺得呢齣唔可以睇作"反戰片",因為佢其實冇"反"緊D乜野, 亦冇"buy"緊D乜野, 只係顯示緊人在巨大壓力下嘅反應, 將"戰場"換成"職場",一樣可以講到相同嘅野(eg.當自己係機械人咁做、唔好投入任何感情、專注的合作、不要個人主義等)。當然拆彈應該都係真正戰場上, 似乎係比較舒適的工作(根據電影), 要困在極度惡劣環境同人對峙果D, 更加係非人生活。最近睇報道話: 美國入侵伊拉克以來,自殺人數比戰死的人數還要多,可以想像精神受壓幾嚴重

    講完,我可以忘記套戲、忘記自己講過乜了~ ;)

    回覆刪除
  6. 妳果然有另外一種獨特觀點!我也沒說過不好看,只是沒可能是Best Picture!!! 不過起碼看的過程一點不覺悶!

    突然想起主角脫掉身上的保護裝備拆彈,他說死也要死得自在點,是的,平時已經承受咁大壓力,死的一刻都要俾套裝備焗住真係亳不暢快!

    "十幾年前,曾經一個女仔去埃及旅行一星期",勁呀,可能比我的日本行更難忘啊!我要到今時今日才過到這個關口,妳十幾年前已經做咗,實在佩服!我好多嘢都可以一個人做,唯獨是旅行我覺得不行,如果不是"那件事"刺激了我,我也不知何時才過到那關!

    回覆刪除
  7. 廿幾歲時去埃及, 係因為少年無知唔識死! 聽見人地話好玩我就去, 果次最好笑係: 去之前人人話好玩, 鼓勵我去; 去完返來我話比人蝦得好慘, 竟然人人都問:"乜你咁大膽自己去呀?" 喂, 去之前你地淨係話好玩, 冇話過唔可以自己去噃...

    (about hurt locker)
    我諗脫防護衣果一幕, 係想講主角份人幾癲、幾自負...不過同你講嘅又冇衝突, 就係夠癲、夠自負, 先會覺得死得free D無問題!
    咁你又會唔會除下你D防護衣(rules)呀? ;)

    回覆刪除